![Əhməd Necatın havadarı İranda prezident seçkilərinə buraxılmadı](https://turan.az/resized/media/2013/main/052200037142-750-500-resize.webp)
Əhməd Necatın havadarı İranda prezident seçkilərinə buraxılmadı
İran Konstitusiyasının Keşikçiləri Şurası keçmiş prezident Əkbər Haşemi Rəfsəncanini və hazırki prezidentin havadarı Esfəndiyar Rahim Məşaini prezident semkilərinə buraxmayıb. 686 potensial namizəddən ibarət başlanğıc siyahı prezident seçkilərində iştirak edə biləcək səkkiz nəfərə qədər azalıb, xəbəri İranın Fars agentliyi yayıb.
Şuranın 12 üzvü İran dini lideri Əli Xamneyinin müttəfiqləri hesab olunur. Onun təqdir etdiyi demək olar ki, bütün namizədlər İran dini təşkilatları ilə sıx əlaqəsi olan ultrakonservator nüfuzuna malikdir. Keçmiş vitse-prezident və ölkənin texnologiya naziri Məhəmməd Reza Aref onların fonunda yeganə istisna kimi görünür, deyə BBC-nin Rusiya xidməti qeyd edib.
Nüvə proqramı üzrə danışıqlarda İran nümayəndəsi Səid Cəlili, ondan əvvəlki nümayəndə Həsən Ruhani, keçmiş XİN rəhbəri Əli Əkbər Velayəti, Tehran meri Məhəmməd Baker Kalibaf, İslam İnqilabı Keşikçiləri Korpusunun keçmiş rəhbəri Mohsen Rezai, parlamentin keçmiş spikeri Golamali Haddad-Adel və keçmiş rabitə naziri Məhəmməd Qarazi seçkilərə buraxılıb.
Şura namizədlərin kənarlaşdırılması ilə bağlı izahat vermək zəhmətinə qatlanmayıb, amma bu orqanın mətbuat katibi Abbas Əli Kaxodai hələ bazar günü Al Alam dövlət televiziyasına müsahibəsində Rəfsancaninin 78 yaşında olduğuna və “gündə cəmi bir neçə saat işləmək iqtidarında olduğu üçün” bu yaşda prezident öhdəliklərinin ağır yükünün öhdəsindən gələ bilməyəcəyinə işarə edib.
Rəfsancani Şuranın qərarına etiraz etməyəcək və bununla bağlı ayətullah Xamneyiyə müraciət etməyəcək, bu barədə onun seçki qərargahının rəhbəri Eshaq Cahangiri elan edib. Rəfsancaninin tərəfdarları sosial şəbəkələrdə qəzəbini gizlətmir.
Bu arada hazırki prezident Əhməd Necat prezident seçkilərində yaxın tərəfdaşının və öz administrasiyasının rəhbərinin prezident seçkilərində iştirakının qadağan edilməsinin ləğvi məsələsini ölkənin dini lideri ilə müzakirə etmək niyyətində olduğunu bildirib, xəbəri “İnterfaks” yayıb.
Məşai özü seçkilərə buraxılmamasını ədalətsiz adlandırıb və ayətullah Əli Xamneyidən ədalətə nail olacağını vəd edib. “Allah istəyərsə, bu məsələ həll ediləcək”, deyə Fars yarımrəsmi İran agentliyi siyasətçidən sitat gətirir.
Məşai prezident vəsifəsindən gedən, ardıcıl olaraq iki dəfə vəzifədə qaldığı üçün iyunun 14-də keçiriləcək seçkilərdə namizədliyini irəli sürə bilməyən Əhməd Necatın havadarıdır.
Ayətullah Xamneyi İranda Konstitusiya Keşikçiləri Şurasının qəbul edilmiş qərarı dəyişdirməsinə müdaxilə edə biləcək yeganə insandır.
Bu arada, Keşikçilər Şurasının nümayəndələrindən biri hələ çərşənbə axşamı qeyd edib ki, “seçki qanunvericiliyində namizədlərin apellyasiya verməsi üçün heç bir prosedur nəzərdə tutulmayıb”.
İndi Şuranın seçkilərə buraxdığı namizədlər üçün iyunun 12-nə qədər davam edəcək seçki kampaniyası başlayacaq. Seçkilər iyunun 14-də keçiriləcək. -0-
-
- İqtisadiyyat
- 22 May 2013 17:23
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz