Ekspert: “Əsas odur ki, Medianın İnkişafı Agentliyi KİV-ə Dövlət Dəstəyi Fondunun yolu ilə getməsin”

Bakı/13.01.21/Turan: Medianın İnkişafı Agentliyinin yaradılmasının səbəbi odur ki, Mətbuat Şurası və KİV-ə Dövlət Dəstəyi Fondu kimi jurnalist təşkilatları üzərinə düşən vəzifələri yerinə yetirməyiblər, onların fəaliyyəti isə mənfi rəyə səbəb olub. Bu fikri Turan agentliyinə tanınmış telejurnalist Qulu Məhərrəmli Azərbaycanda medianın İnkişafı Agentliyinin yaradılmasını şərh edərkən bildirib.

Onun sözlərinə görə, Mətbuat Şurası və KİV-ə Dövlət Dəstəyi Fondu dövründə ölkədə azad mətbuat məhv edilib, jurnalistlər repressiyaya məruz qalıb. Bu təşkilatlar media azadlığının inkişafına kömək etməyiblər.

Yeni agentlik Azərbaycanda keçmiş Mətbuat və İnformasiya Nazirliyini xatırladır, - Qulu Məhərrəmli davam edib, - o da geniş hüquq və vəzifələrə malik idi. O diqqətə çatdırıb ki, Agentliyin vəzifələrində jurnalistikanın bütün sahəsinin dövlət tənzimlənməsi ilə yanaşı, medianın texnoloji cəhətdən yeni sahələrinin inkişaf etdirilməsinin zəruriliyi də göstərilib.

Agentliyin inzibati cəza hüququna malik olması eksperti narahat edir. Necə ki  Milli Televiziya və Radio Şurası radi və teleşirkətləri müəyyən saatlarda efirdən məhrum edir. Lakin sevindirici haldır ki, Agentlik KİV-i bağlaya bilməz.

"Bu cür səlahiyyətlərə ancaq məhkəmələr malikdir və Azərbaycanda məhkəmələrin necə işlədiyi bizə məlumdur”.

Eyni zamanda Q.Məhərrəmli yeniliklərin müsbət tərəflərini qeyd edib. "Agentliyin üzərinə KİV-in maddi-texniki bazasının yaxşılaşdırılması, qanunvericilik fəallığı həvalə edilib. Agentlik jurnalistlər üçün söz azadlığına nail ola biləcəkmi, yoxsa KİV-ə Dövlət Dəstəyi Fondunun yolunu təkrarlayacaq? Qabaqcıl ölkələrdə oxşar dövlət təşkilatları var, onlar fayda gətirir, dövlət mediaya maddi yardım edir. Onun sözlərinə görə, əsas dəstək elektron onlayn KİV-lərə göstərilməlidir.

Q.Məhərrəmli Agentliyin rəhbəri haqqında sualı cavablandırarkən onun tərcümeyi-halına baxdığını deyib. Əhməd İsmayılov hüquqşünasdır, ali icra hakimiyyəti orqanlarında çalışıb. Jurnalist deyil, menecerdir.

"Mətbuat Şurası tərəfindən jurnalistikaya rəhbərlik etməyin acı təcrübəsi göstərdi ki, rəhbər kadrlar üçün əsas olan onların peşəsi deyil, niyyət və əqidəsidir", - Qulu Məhərrəmli vurğulayıb.0—