![Ekspert: «Status-kvo daha çox Ermənistanın marağındadır, nəinki Azərbaycanın»](https://turan.az/resized/750/500/resize/media/2017/main/021600183364.jpg)
Ekspert: «Status-kvo daha çox Ermənistanın marağındadır, nəinki Azərbaycanın»
Ukrayna və Suriya böhranları ilə əlaqədar Qarabağ məsələsi kölgədə qalıb. Bu fikri bu gün Rusiya Humanitar Elmlər İnstitutunun professoru, politoloq Sergey Markedonov jurnalistlərlə görüşündə söyləyib.
O qeyd edib ki, Qarabağ məsələsilə bağlı Rusiya və Qərb arasında ziddiyyət yoxdur. Bundan əlavə, Qərb məsələnin nizamlanmasında Rusiyanın öz vasitəçilik missiyasını fəallaşdırmasında maraqlıdır.
S.Markedonov məsələnin yekun həll olunmamasına görə Rusiyanın vasitəçilik missiyasının tənqid edilməsindən təəccübləndiyini bildirib. Onun fikrincə, Qarabağ məsələsi Rusiya üçün mühüm məsələdir, ancaq ən əsas məsələ deyil.
“Əgər tərəflər konsensusa gəlməyə hazır deyilsə, RF hər şeyi atıb Qarabağ məsələsilə məşğul olacaq deyil”, - o vurğulayıb.
Onun sözlərinə görə, Bakı kimi, Yerevan da istərdi ki, Moska özünün son seçimini etsin. “Ancaq bu olmayacaq. Azərbaycanı düşmənə çevirməyə dəyməz: bu, ilk növbədə Ermənistanın özünə sərfəli deyil”,- o vurğulayıb və əlavə edib ki, belə olduğu halda Azərbaycan daha da qəzəblənəcək və aqressiv olacaq.
“Rusiya seçim edə bilər və bəlkə də edəcək. Ancaq qeyd etmək lazımdır ki, bu, təhlükələrlə bağlıdır, səylər isə məsələnin dinc yolla həlli cəhdlərinə yönəldiləcək”, - S.Markedonov bildirib.
O deyib ki, sərhəddə eskalasiya mümkündür, müharibə mümkündür, çünki Azərbaycan vəziyyətdən razı deyil.
“İndiki status-kvo daha çox Ermənistanın marağındadır, nəinki Azərbaycanın”,- o vurğulayb. Onun sözlərinə görə, vəziyyətin nəzarətdə olması və gərginliyin olmaması Moskva üçün çox vacibdir. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz