Ekspertlər Rusiya təhlükəsi görür

Ukrayna böhranı şəraitində Azərbaycana Rusiya təhlükəsi Müsavat Partiyasının mənzil-qərargahında ”Böhran masası” çərçivəsində siyasətçi və ekspertlərin müzakirə predmeti olub.

Qapalı üç saatlıq müzakirələrin gedişində Rusiyanın Ukraynaya münasibətdə hərəkətinin səbəb və motivləri, rəsmi Kiyev və Ukrayna cəmiyyətinin cavab reaksiyası, eləcə də dünya camiəsinin Ukrayna böhranına münasibəti nəzərdən keçirilib.

Ekspertlər bir sıra Rusiya xadimlərinin, o cümlədən Avrasiya İttifaqının ideoloqu Aleksandr Duqinin və Liberal-demokrat Partiyasının lideri Vladimir Jirinovskinin  aqressiv bəyanatları işığında Rusiyanın Azərbaycana qarşı mümkün hərəkət ssenarilərini nəzərdən keçiriblər.

Ekspertlər böyük ”Böhran masası” çərçivəsində yaxın vaxtlarda açıq və geniş ictimai diskussiya keçirilməsi barədə qərar qəbul ediblər.

Diskussiyalarda İsa Qəmbər, Pənah Hüseyn, İsgəndər Həmidov, Eldar Namazov, Zəfər Quliyev, Leyla Əliyeva, Mehman Əliyev, Hikmət Hacızadə, Elmir Mirzəyev, Ərəstun Oruclu, Rafiq İsmayıl, Vaqif Hacıbəyli, Arzu Səmədbəyli, Qubad İbadoğlu, Köçəri Nağıbəyli, Rauf  Arifoğlu və s. iştirak edib.