![Ekspertlər Sankt-Peterburq görüşündən irəliləyiş gözləmir](https://turan.az/resized/media/2016/main/062000159643-750-500-resize.webp)
Ekspertlər Sankt-Peterburq görüşündən irəliləyiş gözləmir
Sankt-Peterburq danışıqları əsas suala cavab verməlidir. Bizi yaxın zamanda nə gözləyir: sülh, yoxsa müharibə?”. Azərbaycan parlamentinin deputatı, ekspert Rasim Musabəyovun fikri belədir.
Rusiya, Azərbaycan və Ermənistan prezidentlərinin bugünki görüşünü Turan-a şərh edən Musabəyov bildirib ki, danışıqlar çox mürəkkəb olacaq.
“Danışıqlarla bağlı optimist olmaq üçün elə də əsaslar yoxdur. Sadəcə olaraq Ermənistanın yanaşmasını görsək, anlamaq mümkündür ki, onlar torpaq iddiasından əl çəkməyiblər. Azərbaycan da ermənilərə bir qarış belə torpaq verəsi deyil”, deyə o qeyd edib.
O, danışıqlar başlayan zaman Azərbyacan Silahlı Qüvvələrinin böyük miqyaslı hərbi təlimlər keçirməsinin təsadüfi olmadığını bildirib.
Nə Azərbaycan, nə də Ermənistan aprel müharibəsindən sonra təmas xəttinə gətirdiyi əlavə qüvvələrini geri çəkməyib. Bu da Sankt-Peterburq danışıqlarında hansı atmosferin hökm sürəcəyini göstərir, deyə Musabəyov bildirib.
Politoloq Ərəstun Oruclu hesab edir ki, qarşıda duran Sankt-Peterburq danışıqlarından böyük nəticə gözləməyə dəyməz, çox güman ki, bu, növbəti görüş formasiyası olacaq.
Rusiya Qarabağ münaqişəsini həll etmək deyil, öz maraqlarını təmin etmək üçün ondan istifadə etmək niyyətindədir, deyə o, Sankt-Peterburq görüşünü şərh edərkən Turan-a bildirib.
Bu maraqlar, Moskvanın fikrincə kifayət-qədər Rusiyayönlü siyasət yürütməyən, daha doğrusu hiylə etməyə çalışan, bununla da Kremli qıcıqlandıran Ermənistan prezidentinə təzyiq göstərməkdən ibarətdir.
Buna görə görüşdən sonra cəbhədə vəziyyət gərginləşəcək və ermənilər növbəti itkilər verəcək. Bu, Sarkisyan ağıllanana və ya vəziyyətin və ya müxalifətin təzyiqi ilə vəzifəsindən gedənə qədər davam edəcək. Oruclunun fikrincə, Moskva onu daha çox qane edən Robert Koçaryanı hakimiyyətə qaytarmaq istəyir.
“Yəni indi Qarabağ probleminin prinsipial həlli məsələsi həll olunmur. Bu, yalnız bütün cəlb edilmiş tərəflərin və ilk növbədə beynəlxalq ictimaiyyətin iştirakı ilə mümkündür”, deyə Oruclu qeyd edib. -02/03B-
-
- İqtisadiyyat
- 20 İyun 2016 15:53
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz