![Əliyev ABŞ dövlət katibinin köməkçisinin müavinini qəbul edib](https://turan.az/resized/media/2016/main/062300160014-750-500-resize.webp)
Əliyev ABŞ dövlət katibinin köməkçisinin müavinini qəbul edib
İlham Əliyev iyunun 23-də ABŞ dövlət katibinin köməkçisinin Avropa və Avrasiya məsələləri üzrə müavini Bridcet Brinki qəbul edib.
B.Brinkin Azərbaycana ötənilki səfərini xatırlayan prezident həmin səfərin ölkələr arasında əlaqələrin inkişafında müsbət dinamika baxımından önəmli məqam olduğunu qeyd edib. Azərbaycanla ABŞ arasında əməkdaşlığın gündəliyinin çox geniş sahələri əhatə etdiyini deyən prezident ölkələrimizin təhlükəsizlik, enerji və regional inkişaf kimi bir sıra məsələlərlə bağlı birgə əməkdaşlıq həyata keçirdiyini vurğulayıb.
Hazırda Azərbaycanla ABŞ arasında münasibətlərin çox yaxşı səviyyədə olduğunu deyən dövlət başçısı B. Brinkin səfərinin əlaqələrin uğurla inkişaf etdirilməsi işinə töhfəsini verəcəyinə əmin olduğunu bildirib.
Regiona səfəri çərçivəsində yenidən Azərbaycanda olmasından məmnunluğunu ifadə edən Brink bildirib ki, səfərin məqsəd ölkələr arasında mövcud olan bütün sahələr üzrə tərəfdaşlıq əlaqələrini daha da möhkəmləndirməkdir.
O, ölkələr arasında davamlı əməkdaşlığın daha yüksək mərhələyə qaldırılması istiqamətində səylərini əsirgəməyəcəyini qeyd edib. -16D-
-
- Cəmiyyət
- 23 İyun 2016 15:23
-
- İqtisadiyyat
- 23 İyun 2016 15:57
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz