Əliyev Azərbaycan Milli Ensiklopediyası redaksiya heyətinin yeni tərkibini təsdiq edib
Əliyev Azərbaycan Milli Ensiklopediyası redaksiya heyətinin yeni tərkibini təsdiq edib
Prezident İlham Əliyev Azərbaycan Milli Ensiklopediyası redaksiya heyətinin yeni tərkibini təsdiq edib.
Sərəncamla redaksiya heyətinin sədri, sədr müavinləri, Azərbaycan Milli Ensiklopediyasının baş redaktoru, məsul katibi və redaksiya heyətinin üzvləri təsdiq edilib.
Redaksiya heyətinin sədri vəzifəsində dövlət başçısı özü qalıb. Sədr müavini vəzifəsinə Azərbaycan Milli Elmlər Akademiyasının (AMEA) həqiqi üzvləri, Geologiya və Geofizika İnstitutunun direktoru Akif Əli Zadə və AMEA-nın vitse-prezidenti İbrahim Quliyev, həmçinin Azərbaycan Yazıçılar İttifaqının sədri Anar Rzayev təsdiq edilib.
Baş redaktor vəzifəsinə AMEA-nın prezidenti İsa Həbibbəyli təsdiq edilib.
Redaksiya heyətinə akademiklərdən və yaradıcı xadimlərdən ibarət böyük bir qrup daxil olub.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz