Elnur Aslanov ABŞ-ı Cənubi Qafqazda obyektiv siyasət yürütməyə çağırıb

Prezident Administrasiyasının  informasiya siyasəti şöbəsinin müdiri Elnur Aslanov ABŞ-ı Cənubi Qafqazda obyektiv siyasət yürütməyə çağırıb.

“Biz istəyirik ki, ABŞ etnik siyasətin girovuna çevrilməsin və öz milli maraqlarına uyğun olaraq hərəkət etsin”, - E.Aslanov cümə günü “Regional sülh və təhlükəsizliyin bərqərar olunmasında Azərbaycan-Amerika əməkdaşlığının rolu” mövzusunda keçirilən konfransda çıxışı zamanı bildirib.

O qeyd edib ki, Azərbaycan Qarabağ münaqişəsinin nizamlanmasında ABŞ-ın köməyinə ehtiyacı var. Digər tərəfdən ABŞ-ın Azərbaycanda güclü iqtisadi  və strateji maraqları var. Lakin Azərbaycanın unikal mövqeyi onu önəmli geosiyasi, geostrateji və geoiqtisadi mərkəzə çevirdiyi halda, bu gün ABŞ-ın Bağdaddan sonra ən böyük səfirliyi Yerevanda yerləşir. 

Azadlığa Dəstək Aktındakı 907-ci əlavə əlaqələrin indiki vəziyyətini əks etdirmir və strateji əlaqələrin genişləndirilməsində maneələr yaradır. –06D-