Elşad Abdullayev: Əli Həsənov Gülər Əhmədovanın tərəfdaşıdır

Fransada mühacirətdə olan Beynəlxalq Universitetin keçmiş rektoru Elşad Abdullayev növbəti ifşa ilə çıxış edib. Bu dəfə o, “Gülərgeyt” qalmaqalında hakimiyyətin baş ideoloqu Əli Həsənovun mənfi rolunu ifşa edir.

“Əli Həsənov vəzifəsindən sui-istifadə edərək cinayətin acılmasına maneçilik tötədib, səlahiyyətlərindən istifadə edərək Azərbaycanda adam oğurluğu ilə məşğul olan mutəşəkkil cinayətkar təşkilatın fəaliyyətini ört-basdır etməyə cəhd edib”, - deyə Abdullayev avropa-az.com saytında dərc edilmiş məqaləsində bildirir.

“Hazırda həbsdə olan keçmiş deputat Gülər Əhmədova və onun mərhum rəfiqəsi Sevinc Babayeva dəfələrlə deputatlıqla bağlı bütün pulların Əli Həsənovun əlində cəmləşdiyini deyiblər. 

Hətta, Gülər Əhmədova həbsinə 2 gün qalmış 61 dəfə Əli Həsənova zəng edib və mənim pulumu qaytarmağı tələb edib. Mən hər dəfə Gülər Əhmədovadan şikayət etdikdə Əli Həsənov prokurorluq orqanları vasitəsi ilə məni qorxudurdu, qəzetlər vasitəsi ilə təhdid edirdi və krimnal təzyiqlər edirdi. Qarşımızda  cinayətkar şəbəkənin tam bir siması dayandığı hissi yaranırdı.

Bundan sonra mənə çatdırdılar ki, Əli Həsənov pulumu qaytarmağı vəd edir. Bu haqda bizə Gülər Əhmədovanın Brüsselə gələn oğlu bildirib və vaxt verməyi xahiş edib.

Lakin əslində mənə qarşı ləkəyaxma və qorxutma kampaniyası başlayıb. Bundan sonra biz məcburiyyət qarşısında qalıb vdeo-faktları yaymağa başladıq”, deyə Abdullayev yazır.

Xatırladaq ki, Elşad Abdullayev 2003-cü ildə parlamentin deputatı seçilməsi üçün Gülər Əhmədova və Sevinc Babayeva vasitəsilə Prezident Administrasiyasına 1 mln. dollar verib. Lakin o, seçilməyib və pul qaytarılmayıb. Pulların verilməsi və ödəniş haqqında danışıqlar videoya çəkilib və bu yaxınlarda Abdullayev tərəfindən bu videolar yayılıb ki, bu da güclü qalmaqala səbəb olub. -02D-

 

Rəy yaz

Siyasət

Грузия меняет западную ориентацию и идет на сближение с Россией? - беседа с экспертом по Кавказу Вадимом Дубновым в программе "Çətin sual"



Bizi sosial şəbəkələrdə izləyin

Xəbər lenti