Bakı/06.01.20/Turan: Türkiyə prezidenti Erdoğan bazar günü türk hərbi qulluqçularının Liviyaya göndərilməyə başladığını elan edib. "Hərbiçilərimizin vəzifəsi Liviya ordusu ilə fəaliyyətin əlaqələndirilməsidir. Türk hərbiçiləri Liviyaya legitim hökumətin təhlükəsizliyi üçün gedir", deyə Erdoğan CNN Türk-ə müsahibəsində bildirib.
O, həmçinin bildirib ki, Liviyada "Vaqner" qruplaşmasından 2,5 min rus muzdlu döyüşçüsü və Sudandan 6 min döyüşçü var. "Qanuni hökumət bizdən xahiş edirsə, niyə biz oraya gedə bilməyək?", deyə Erdoğan əlavə edib.
Ötən həftə Ankara hərbi qulluqçuların Liviyaya göndərilməsi mümkünlüyünü nəzərdə tutan qanun layihəsini təsdiq edib. Bəzi məlumatlara görə, ilk mərhələdə Milli Razılıq Hökuməti (MRH) döyüşçülərinə təlim vermək üçün hərbi müşavirlər Liviyaya gedəcək. Daha sonra Ankara silah göndərməyə başlayacaq.
Hazırda Liviyada iki hakimiyyət mövcuddur: Tripolda beynəlxalq aləmdə tanınmış Faiz Səracın MRH-i və paytaxtda dekabrın ortalarından hökumət qüvvələrinə hücum edən feldmarşal Xəlifə Həftərin ordusu. Rusiya və bir sıra digər ölkələr Həftəri dəstəkləyir. -02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz