Ermənistan MTX aprelin 10-da baş verən atışmada erməni sərhədçilərin təqsirini etiraf edib
Ermənistan MTX aprelin 10-da baş verən atışmada erməni sərhədçilərin təqsirini etiraf edib
Ermənistanın Milli Təhlükəsizlik Xidməti (MTX) erməni sərhədçiləri qaydaları pozmaqla, aprelin 10-da Nerkin Xndzoresk kəndi yaxınlığında atışmaya səbəb olmaqda ittiham edib.
Sərhədçilərin hərbi xidmət çəkmə qaydalarını açıq-aşkar pozması faktı üzrə cinayət işi açıldığı bildirilir, xəbəri "Sputnik-Armenia" yayıb.
İdarədən bildiriblər ki, aprelin 10-da erməni çobanın sürüsü ilə birlikdə Azərbaycan tərəfə keçdiyini öyrənən MTX-nin sərhəd qoşunlarının müddətli hərbi qulluqçusu xidmət yoldaşları ilə birlikdə "xidmət çəkmə qaydalarını pozaraq, özbaşına sərhədi keçmək və mal-qaranı qaytarmaq qərarına gəlib".
Bu hərəkətlər ciddi ziyana, səbəbsiz atışmaya səbəb olub və insanların həyat və sağlamlığını təhlükə altına qoyub, deyə məlumatda qeyd edilir.
"İnsident nəticəsində Azərbaycan sərhəd xidmətinin hərbi qulluqçusu yaraalanıb. Baş verən hadisə ilə bağlı təəssüfünü bildirən MTX Sərhəd Xidməti hərbiçilərinin xidmət qaydalarına ciddi şəkildə riayət etməsi və bu cür halların qarşısının alınması məqsədilə tədbirlər görüb", deyə məlumatda bildirilir.
Xidməti təhqiqatın nəticələrinə əsasən İstintaq Komitəsinə müvafiq müraciət göndərilib, burada cinayət işi açılıb və təqsirli şəxslərin məsuliyyətə cəlb olunması məqsədilə istintaq aparılır.
Xatırladaq ki, Ermənistan tərəfindən açılan atəş nəticəsində Azərbaycan sərhədçisi, baş leytenant Rövşən Məmmədov yaralanıb.
-
- Siyasət
- 12 Aprel 2024 12:38
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz