Ermənistan sərhəd rayonlarının əhalisini silahlandırmayacaq

Ermənistan prezidenti Serj Sarkisyan Azərbaycanla sərhəd yaşayış məntəqələrinin sakinlərinin silahlandırılmasına qarşı çıxıb. Prezidentin mətbuat xidməti bildirib ki, bu barədə o, iyulun 24-də İctimai Şuranın üzvləri ilə görüşündə bildirib.

“İctimai Palata sərhəd xətlərinin möhkəmləndirilməsinə və təhlükəsizliyin təminatına dair bir sıra təkliflər irəli sürüb. Sərhəd kəndlərinin sakinlərinin silahlandırılması ideyası ətrafında qızğın müzakirələr gedib. Lakin prezident bunun əleyhinə olub. O, əlində silah tutmağa qadir olan sərhəd sakinləri üçün Silahlı Qüvvələrdə bütün  imkanların olduğunu bildirib”, - məlumatda deyilir.

Qarabağ hərbi rəhbərliyinin Kəlbəcər rayonunun sakinlərinə silah verilməsi məsələsini müzakirə etməsi barədə bu həftə Ermənistanln müdafiə naziri Seyran Ohanyan bildirib. O deyib ki, bu rayonun bir çox sakinləri müqavilə üzrə hərbi xidmət edirlər və onlara silahlarını evə aparmağa icazə verməklə silahlanma məsələsini həll etmək olar.

Hökumətin iclasında hərbi nazir deyib ki, Qarabağ SQ komandanlığı sərhəd rayonlarının minalanması üzrə işlər həyata keçirir ki, gələcəkdə Azərbaycanın təxribat qrupunun ərazilərə daxil olmasının qarşısı alınsın.

* Azərbaycanın təxribat qrupuna ötən həftənin əvvəlində öldürülmüş Həsən Həsənov və həbs olunmuş Şahbaz Quliyevlə Dilqəm Əsgərov aid edilir.

Erməni tərəfi həbs olunanlara hərbi əsir statusu verməkdən imtina edir,-  epress.am saytı bildirir.-02D-