![Etiraz aksiyasının 60-a yaxın iştirakçısı saxlanılıb (video)](https://turan.az/resized/750/500/resize/media/2013/main/031000031259.jpg)
Etiraz aksiyasının 60-a yaxın iştirakçısı saxlanılıb (video)
Əsgər ölümlərinə qarşı bugünki etiraz aksiyası zamanı ən az 60 nəfər saxlanılıb. Onlar arasında jurnalist Xədicə İsmayılova, gənc fəallar Turqut Qəmbər, Əbülfəz Qurbanlı, Bəyim Həsənli. Kənan Qasımlı. Ruslan Əsəd, Rauf Məmmədli, Ayaz Xəlilzadə, Ağababa Məmmədov, Osman Əhmədov, Orxan Babayev və başqaları var. Müsavat Partiyasının məlumatına görə, onları avtobuslardaca döyüblər və qazla zəhərləyiblər.
Polis həmçinin bir neçə əsgər valideynini də saxılayıb, onları asfalt üstündə sürüyüblər.
Aksiya ümumilikdə təxminən bir saat davam edib. Polis Fəvvarələr Meydanını mühasirəyə alıb və heç kimi oraya buraxmırdı. Kitab passajı tərəfdən kordon qurulub. Bununla belə, insanlar vətəndaş fəallığı nümayiş etdiriblər və polis dəyənəklərindən və hədə-qorxudan qorxmayaraq, meydana çıxıblar.
Təxminən saat 16.30-da dövlət başçısı İlham Əliyev Zaqulba qəsəbəsindəki bağından şəhərə gəlib. Göründüyü kimi, o, aksiya haqqında güc qurumlarının məruzəsini dinləyir.
Bugünki aksiya iştirakçıları qeyd edirlər ki, onların əksəriyyəti əhalinin küçələrə çıxmaqdan qorxmadığı üçün mənəvi qələbə hissi yaşayırlar və gələcək həftələrdə və aylarda hakim rejimin ədalətsizliyinə qarşı etirazlar yalnız güclənəcək, insanların həmrəyliyi də artacaq. -06D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz