Federasiya Şurası V.Matvienkonun Yerevanda səsləndirdiyi ifadələrə aydınlıq gətirib

 

Ermənistan KİV-lərində Federasiya Şurasının spikeri Valentina Matvienkonun iyulun 11-də Yerevana səfəri zamanı səsləndirdiyi fikirlər təhrif olunub. Bu barədə Rusiya parlamentinin Üst Palatasının mətbuat xidməti məlumat yayıb. Mətbuat xidmətinin məlumatında deyilir ki, Matvienko Qarabağ nizamlanması ilə bağlı aşağıdakı fikirləri bildirib:

    “Rusiyada Dağlıq Qarabağ münaqişəsinin həllinə yalnız dinc danışıqlar yolu ilə nail olmağın mümkünlüyünə əsaslanırlar. Bu danışıqlar prosesinin iştirakçıları beynəlxalq hüquq normalarını və BMT Təhlükəsizlik Şurasının müvafiq qətnamələrini rəhbər tutmalıdırlar.

    Münaqişənin həlli Ermənistanın və Azərbaycanın maraqlarını nəzərə almalı, məlum prinsiplərə - güc tətbiq etməmə, ərazi bütövlüyünə hörmət, bərabərhüquqluluq və xalqların öz müqəddəratını həll etmək hüququ prinsiplərinə riayət olunmasına əsaslanmalıdır”.

    O, həmçinin “tərəflərin etimadsızlığı aradan qaldıraraq, mövqeləri ardıcıl olaraq yaxınlaşdırmasının” tərəfdarı olduğunu bildirib. “ATƏT-in Minsk qrupunun fəal vasitəçilik səyləri, habelə Azərbaycan, Ermənistan və Rusiya liderlərinin üçtərəfli birbaşa danışıqlar formatı buna yardım etmək məqsədi daşıyır.

    Başa düşülməlidir ki, vasitəçilik səyləri nizamlanmaya doğru irəliləməyin mühüm elementi olsa da, yalnız dialoq qurulması yoludur. Sülh sazişinin imzalanmasına görə məsuliyyət Ermənistanın və Azərbaycanın üzərindədir, bu, Rusiya, Fransa və ABŞ prezidentlərinin Los-Kabosda “iyirmiliyin” sammitində qəbul etdikləri birgə bəyanatda da vurğulanıb.

    Qeyd edək ki, bəzi erməni KİV-ləri Matvienkoya Dağlıq Qarabağın Azərbaycanın tərkibinə qayıda bilməyəcəyi barədə ifadələri aid edirdilər. -06C-

 

Rəy yaz

Siyasət

Navalnının ölümü dünyada hansı daşları tərpədəcək? – Rauf Mirqədirov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti