![Jose Fernandez](https://turan.az/resized/media/2022/main/092300051460-750-500-resize.webp)
Jose Fernandez
Fernandes: “Azərbaycan Rusiyadan enerji müstəqilliyini təmin etməlidir”
Vaşinqton/23.09.22/Turan: Cümə axşamı ABŞ-ın yüksək vəzifəli diplomatı Rusiyanın energetikanı silaha çevirmək səylərini tənqid edərək, bunu “qlobal enerji təhlükəsizliyinin ən ciddi pozuntusu” adlandırıb.
“Putin birtərəfli qaydada müqavilələri pozdu və təbii qazın Avropa ölkələrinə nəqlini dayandırdı. O, növbəti dəfə dünyaya nümayiş etdirdi ki, Rusiya etibarlı enerji daşıyıcısı təchizatçısı deyil”, - cümə axşamı brifinqdə ABŞ-ın iqtisadi artım və energetika nazirinin müavini Xose Fernandes bildirib.
“Rusiyanın yenidən etibarlı enerji təchizatçısına çevrilməsi çətin olacaq”, - Fernandes əlavə edib.
ABŞ Avropaya əlavə təbii qaz tədarükü üçün ölkədə və bütün dünyada üzrə iri istehsalçıları cəlb edib.
Qiymətlər artdıqca Rusiyanın gəlirləri artdı və bu, ona Ukraynaya hücumu əlavə olaraq maliyyələşdirməyə imkan verdi. Rusiya neftinin qiymətinə məhdudiyyətin qoyulması ilə bağlı qərarına G7-nin toxunan Fernandes deyib ki, əgər Rusiya bununla razılaşmasa, G7 ölkələrinin bank, sığorta və ya broker xidmətlərindən məhrum olacaq.
Turan-ın müxbirinin “Azərbaycan kimi ölkələr bu vəziyyətdə əhəmiyyətli rol oynaya bilərmi?” sualının cavabında Fernandes Rusiyadan enerji müstəqilliyinin vacibliyini vurğulayıb.
“Azərbaycan Putini kifayət qədər yaxşı tanıyır və onun nəyə qadir olduğunu bilir, ona görə də hamı Rusiyadan enerji müstəqilliyini möhkəmləndirməlidir”, - o deyib.
“Putinin hər kəsi diz üstə çökdürmək, enerji böhranı, bütün dünyada qiymət artımı yaratmaq üçün enerjidən silah kimi istifadə etməyə hazır olması Azərbaycanda da yaxşı başa düşülən bir şeydir”, - o əlavə edib. 0
-
- Maliyyə
- 23 Sentyabr 2022 11:24
Siyasət
-
“Biz Azərbaycanı beynəlxalq insan hüquqları öhdəliklərinə əməl etməyə və haqsız yerə həbs edilmiş bütün şəxsləri azad etməyə çağırmaqda davam edirik”. Bu barədə ABŞ-ın Azərbaycandakı səfirliynin Azərbaycanda Milli Mətbuat və Jurnalistika Günü ilə bağlı açıqlamasında deyilir.
-
Bazar ertəsi Birləşmiş Ştatlar Rusiya məhkəməsinin hərbi senzura haqqında qanunların pozulmasına görə 6,5 il müddətinə həbsə məhkum etdiyi “Azadlıq Radiosu”nun jurnalisti Alsu Kurmaşeva barəsində hökmü pisləyib.
-
Bazar ertəsi Birləşmiş Ştatlar Moskva rəsmilərinin Gürcüstanın hakim partiyasına hakimiyyəti əlində saxlaması üçün “köməyini” təklif etməsindən sonra Rusiyanın Gürcüstanda seçkilərə müdaxilə etmək cəhdlərini “diqqətlə müşahidə etdiyini” bildirib, xəbəri Turan-ın Vaşinqtondakı müxbiri verib.
-
Bazar ertəsi Birləşmiş Ştatlar bildirib ki, Azərbaycan və Ermənistan arasında sülh müqaviləsinə nail olunması üzərində işləməyə davam edir, bu barədə Turan-ın Vaşinqtondakı müxbiri xəbər verib.
Rəy yaz