Fevralın 7-də Azərbaycanda prezident seçkiləri keçiriləcək
Fevralın 7-də Azərbaycanda prezident seçkiləri keçiriləcək
Fevralın 7-də Azərbaycanda keçiriləcək növbədənkənar prezident seçkiləri üzrə səsvermə keçiriləcək. Səsvermə sabah Bakı vaxtı ilə saat 8-də başlayacaq və saat 19-da başa çatacaq.
Seçici siyahılarına 6 milyon 478 min 623 seçici daxil edilib. Seçicilərin səs verməsi üçün 6537 seçki məntəqəsi təşkil edilib. Bu barədə Azərbaycan Mərkəzi Seçki Komissiyasının (MSK) sədri Məzahir Pənahov fevralın 6-da keçirdiyi mətbuat konfrasında bildirib.
Onun sözlərinə görə, 37 xarici ölkədə 49 seçki məntəqəsi yaradılıb.
"Həmin məntəqələrdə artıq 23 minə yaxın seçici siyahıya alınıb", deyə Pənahov qeyd edib.
MSK sədrinin sözlərinə görə, sabah 30 ildən sonra Azərbaycanın azad edilmiş ərazilərində ilk dəfə səsvermə keçiriləcək.
"Hesab edirəm ki, sabahkı seçkilərin əsas əhəmiyyəti də müasir Azərbaycanın bütün ərazilərində keçirilməsidir. Azərbaycanın əraziləri 30 ildən çox işğalda qalmışdı və 800 minə yaxın insanımız köçkün düşmüşdü. Ona görə də 450 minə yaxın seçici Azərbaycanın müxtəlif ərazilərində səs verirdi. Ancaq 44 günlük Vətən müharibəsindən sonra Azərbaycan öz suverenliyini bərpa etdi və sabah azad edilmiş ərazilərdə də səsvermə keçiriləcək", deyə o, qeyd edib.
Seçkiləri izləmək üçün ümumilikdə 90 mindən artıq müşahidəçi qeydə alınıb.
"Onlardan 790 nəfəri beynəlxalq müşahidəçilərdir, 72 beynəlxalq təşkilatı təmsil edir. Artıq tam tərkibdə müşahidəçilər burdadır. 266 nəfər ATƏT-dən olan müşahidəçi var. MDB və digər qurumlardan da müşahidəçilər var. TÜRK PA nümayəndələri də burada iştirak edir", deyə Pənahov qeyd edib.
MSK sədri bildirib ki, seçkiləri izləmək üçün 89 min 366 yerli müşahidəçi qeydiyyatdan keçib. Onlardan 5405-i MSK, 83 961-i isə dairə seçki komissiyalarında qeydiyyatdan keçib.
Pənahovun sözlərinə görə, prezident seçkilərini 109 beynəlxalq media qurumundan 216 jurnalist izləyəcək.
Fevralın 7-də prezidentlik uğrunda hazırkı prezident İlham Əliyev, Milli Məclisin deputatı Zahid Oruc, Milli Cəbhə Partiyasının sədri, Milli Məclisin deputatı Razi Nurullayev, Bütöv Azərbaycan Xalq Cəbhəsi Partiyasının sədri, Milli Məclisin deputatı Qüdrət Həsənquliyev, Böyük Quruluş Partiyasının sədri, Milli Məclisin deputatı Fazil Mustafa, Böyük Azərbaycan Partiyasının sədri Elşad Musayev və Fuad Əliyev mübarizə aparacaq.
-
- Siyasət
- 6 Fevral 2024 18:03
Siyasət
-
İstintaq təcridxanasında III Respublika Platforması İdarə Heyətinin üzvü Ruslan İzzətlinin vəziyyəti pisləşib. Bu barədə onun xanımı Günel Manaflı bildirib.
-
Avropa İttifaqının 12 ölkəsinin xarici işlər nazirləri Gürcüstandakı hadisələrlə bağlı Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borelə, həmçinin Avropa İttifaqının qonşuluq siyasəti və genişlənmə üzrə komissarı Oliver Varhelyiyə müraciət ediblər.
-
Mayın 13-də Bakının Xətai Rayon Məhkəməsində Turan agentliyinin iqtisadi xəbərlər şöbəsinin redaktoru Hafiz Babalının "İki sahil" qəzetinə qarşı iddiası üzrə proses başa çatıb. Prosesə Sahibə Hacıyeva sədrlik edib.
-
Demokratik.az saytının rəhbəri Osman Nərimanoğlu (Rzayev) istintaq təcridxanasında müddətsiz aclıq elan edib. O, qanunsuz həbsinə və hökmdən apellyasiya şikayətinə qeyri-obyektiv baxılmasına etiraz edir.
Rəy yaz