Seçkilər ərəfəsində vətəndaş cəmiyyətinə hücumlar davam edir
Seçkilər ərəfəsində vətəndaş cəmiyyətinə hücumlar davam edir
Fevralın 6-da iki hökumətyönlü sayt - APA və Yeni Musavat Seçkilərin Monitorinqi və Demokratiyanın Tədrisi Mərkəzinin sədri Anar Məmmədli barəsində "ifşaedici" məqalələr dərc edib.
Bu məqalələrdə deyilir ki, adı çəkilən Mərkəz növbədənkənar prezident seçkilərinin "antipiarını" aparmaq üçün 150 min manat vəsait alıb.
"Məlumatlı" mənbə bu APA-ya bildirib ki, bu vəsaitin bir hissəsi bir qrup müşahidəçinin hazırlanması, onlara təlim keçilməsi və müxtəlif bölgələrə göndərilməsi üçün nəzərdə tutulub.
Vəsaitin əsas hissəsindən seçkilər günü xüsusi olaraq öyrədilmiş şəxslər tərəfindən müxtəlif pozuntuların törədilməsi, bunun videoya çəkilməsi və sosial şəbəkələrdə geniş auditoriya arasında yayılması üçün istifadə olunacaq, deyə məqalələrdə bildirilir.
Eyni zamanda, Anar Məmmədlinin Mərkəzinin Ədliyyə Nazirliyində qeydiyyatdan keçmədiyi, lakin ofisin icarəsi və əməkdaşlara ödəniş etmək üçün vəsaitə malik olduğu qeyd edilir.
Həmçinin, Mərkəzin 2001-ci ildən fəaliyyət göstərdiyi və seçkilər haqqında bütün məruzələrində seçkilərin beynəlxalq standartlara uyğun olmadığının əksini tapdığı bildirilir. Mərkəzin layihələri USAID, Milli Demokratiya İnstitutu (NDI), Milli Demokratiyaya Dəstək Fondu (NED), "Marşall" Fondu və ABŞ səfirliyi tərəfindən maliyyələşdirilib.
Bu nəşrlər 2023-cü ilin noyabrında AbzasMedia jurnalistlərinin və ölkənin bir sıra digər KİV-lərinin həbsləri başladığı andan etibarən hakimiyyət tərəfindən həyata keçirilən müstəqil və müxalif KİV və QHT-lərin nüfuzdan salınması kampaniyasının üçüncü dalğasıdır.
Hər iki yazıda Anar Məmmədlinin rəyi verilməyib.
Siyasət
-
Mayın 15-də Ermənistan və Azərbaycan sərhədində Ermənistan və Azərbaycan baş nazirlərinin müavinləri Mher Qriqoryan və Şahin Mustafayevin sədrliyi ilə iki ölkənin dövlət sərhədinin delimitasiyası üzrə komissiyanın 9-cu iclası keçirilib.
-
Bakının Binəqədi Rayon Məhkəməsi Qarabağ separatçılarının ilkin həbs müddətinin uzadılması ilə bağlı istintaqın vəsatətini təmin edib. Arkadi Qukasyan, Bako Saakyan, Araik Arutyunyan, David Babayan, David İşxanyan, Lev Mnatsakanyan, David Manukyan və digərlərinin həbs müddəti 5 ay uzadılıb, Baş Prokurorluğun mətbuat xidmətinin məlumatında deyilir.
-
Mayın 15-də gündüz Slovakiyanın baş naziri Robert Fitsoya silahlı hücum olub.
-
ABŞ-da Texasdan olan konqresmen Henri Kuelyarın Azərbaycanın nəzarətində olan energetika şirkəti və Meksikadakı bankdan 600000 dollar rüşvət alması ilə bağlı araşdırma davam edir.
Rəy yaz