Forbes: İlham Rəhimov Moskvanın ən iri rantyesidir

Vladimir Putinin kurs yoldaşı, azərbaycanlı biznesmen İlham Rəhimov Moskvada 500 milyon dollarlıq daşınmaz əmlakın sahibi çıxdı, xəbəri http://www.forbes.ru/sobytiya/lyudi/139398-drug-putina-ilgam-ragimov-okazalsya-vladeltsem-moskovskoi-nedvizhimosti-na-500 yayıb. Jurnalın məlumatına görə, Rəhimovun bir neçə ticarət mərkəzində, mehmanxanada və göydələn tikilən ərazidə payı var. 

Məsələn, onun “Qranditul” MMC-də 15% payı var. Şirkət “Qrand” və “Qrand-2” mebel ticarəti mərkəzinə malikdir, ötən il Moskva hökumətinin hərracında isə o, 7,2 milyard rubla “Moskva-siti”də 15 saylı sahəni əldə etdi. Burada 150 000 kv. metrdən çox sahəsi olan göydələn tikmək olar. 

Rəhimov Rusiyada ən iri “Sadovod” topdan bazarının və “Moskva” ticarət mərkəzinin həmsahibidir. Forbes mənbələrinin məlumatına görə, onun “Avropa” ticarət mərkəzində və “Ukrayna” mehmanxanasında da hissəsi var. 

İlham Rəhimov hüquq elmləri doktoru, Bakıda Fina LLC kiçik hüquq şirkətinin tərəfdaşı, hüquq məsələlərinə həsr olunmuş yüzlərlə məqalə və iki kitabın müəllifidir. Bu yaxınlarda yazdığı “Cinayətkarlıq və cəza” əsərinə rəyi Rəhimov və Putinin kurs yoldaşı, RF İstintaq Komitəsinin sədri Aleksandr Bastrıkin yazıb. Forbes-in Rəhimovun tanışlarından və iri Rusiya biznesmenlərindən ibarət mənbələri Rəhimov və Putinin bu günədək dost münasibətlərini qoruyub saxladıqlarını bildirirlər.

Mətbuat Rəhimov haqqında: “prezidentin məxfi pul kisəsi”.

Mətbuatın məlumatına görə, İlham Rəhimov Vladimir Putinin oxuduğu qrupda qrup nümayəndəsi idi. İlham sıx-sıx Putingilə gedirdi, xüsusən, prezidentin məşqlərdən sonra onların qarnını doyuran anasını xoş təəssüratlarla anırdı. Azərbaycana tətilə gedərkən İlham həmişə bir şüşə yaxşı konyakla qayıdırdı. Baxmayaraq ki, nə Putin, nə də İlham özü alkoqola xüsusi meyl göstərmirdi. Onlar idmanla məşğul olurdular və cüdo məşqlərinə birlikdə gedirdilər.

Putin Sankt-Peterburqda sadə məmur olduğu zaman İlham Rəhimov Bakıda hüquq karyerası qururdu. Azərbaycan Diplomatik Akademiyasında dərs deyirdi, Ədliyyə Nazirliyində şöbə rəisi vəzifəsində işləyirdi. Dissertasiyasını müdafiə etdi və hüquq üzrə bir neçə kitab buraxdı.

Putin hakimiyyətə gəldikdə Rəhimovun həyatı kökündən dəyişdi. O, Azərbaycanın paytaxtında Maybach alan ilk şəxs oldu, Moskvada isə Mercedesdə müşaiyətlə dolanır. Hazırda o, iki şəhərdə yaşayır – Bakıda və Moskvada.

Azərbaycanda danışırlar ki, Putinin Rəhimovun həyat yoldaşının Moskvada müalicəsini təşkil etməyə yardım etdiyi zamanlar olub və bir dəfə müşavirlərinin tövsiyələrinə baxmayaraq, hətta Moskva restoranlarından birinə İlhamın qızının toyuna gedib.

Mənbələrin məlumatına görə, Rəhimov iri, çoxprofilli bizneslə əlaqəlidir. Bu biznesin əsasında qızıl (Orta Asiyada çıxarılan), neft ixracı və Moskvada daşınmaz əmlak obyektləri durur.

Gizli professoru tanıyan insanlar Rəhimovun “prezidentin pul kisəsi” rolunu oynadığının istisna olmadığını deyirdilər. -02D-

 

Rəy yaz

Siyasət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti