Bakı/28.10.18/Turan: Fransa "Dağlıq Qarabağ respublikasını" tanımır və ATƏT-in Minsk Qrupunun həmsədri olaraq Ermənistan və Azərbaycan arasında münaqişənin nizamlanması üzrə vasitəçilik səylərini davam etdirəcək. Bu barədə Fransanın Azərbaycandakı səfirinin Turan agentliyinə daxil olan bəyanatında deyilir.
Fransa səfiri münaqişə qurbanlarına və onların ailə üzvlərinə, eləcə də çoxsaylı məcburi köçkünlərə səmimi hisslərini ifadə edir.
Fransa şəhərlərinin merlərinin Dağlıq Qarabağa səfərlərinə gəldikdə, səfir bildirir ki, "Fransanın mövqeyi aydındır və birmənalıdır", Fransanın Xarici İşlər Nazirliyi oktyabrın 26-da bunu bir daha xatırladıb: "Fransa "Dağlıq Qarabağ respublikası"nı tanımır və yerli hakimiyyət orqanları tərəfindən imzalanmış sazişlərin yerinə yetirilməsində məsuliyyət Fransız hökumətinin üzərinə düşmür və bu sazişlər heç bir hüquqi dəyərə malik deyil. Fransa Minsk qrupunun həmsədri kimi Ermənistan və Azərbaycan arasında vasitəçilik səylərini qərəzsiz şəkildə aparacaq", deyə bəyanatda bildirilir.
Bir müddət əvvəl Azərbaycan XİN Fransa tərəfə Sent-Etyen şəhər merinin işğal edilmiş ərazilərə səfəri ilə bağlı etirazını bildirib. -06D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz