Nərimanov məhkəməsinin hakimi Azər Paşayev “Azad Gənclik” təşkilatının üzvü İlkin Rüstəmzadənin həbs müddəti iki ay müddətinə uzadılıb.
O, mayın 17-də dənizkənarı bulvarda Harlem Shake flaş-mobunun təşkili ilə əlaqədar həbs edilib, hakimiyyət bunu xuliqanlıq kimi qiymətləndirib.
Rüstəmzadənin vəkili Nemət Kərimlinin Turan-a verdiyi məlumata görə, prokurorluq öz təqdimatında həbs müddətinin uzadılması Rüstəmzadənin istintaqa gəlməməsi, guya gizlənməsi və istintaqın gedişatına maneələr törətməsi ilə əsaslandırıb.
“Mən yuxarıda deyilənləri təsdiq edən sənədlərin təqdim edilməsi haqqında vəsatət qaldırdım. Lakin heç bir sənəd təqdim edilmədi”, deyə vəkil bildirib.
Onun sözlərinə görə, hakim həbs müddətinin uzadılması haqqında qərarını da heç cürə əsaslandırmayıb.
Vəkilin sözlərinə görə, İlkin Rüstəmzadə özünü normal hiss edir, o, heç bir cərrahi müdaxilə olmadan müalicə olunub. -16B04-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz