![GUAM ölkələri BMT-yə dondurulmuş münaqişələrlə bağlı qətnamə təqdim edəcəklər](https://turan.az/resized/750/500/resize/media/2018/main/100600013808.jpg)
GUAM ölkələri BMT-yə dondurulmuş münaqişələrlə bağlı qətnamə təqdim edəcəklər
Bakı/06.10.18/Turan: Moldova, Ukrayna, Azərbaycan və Gürcüstan hökumətləri GUAM nəqliyyat dəhlizinin və azad ticarət zonasının yaradılması üçün səylərin artırılması barədə razılığa gəliblər. Bu barədə oktyabrın 5-də Moldovada GUAM dövlətləri baş nazirlərinin iclasının yekunlarına dair bəyanatda deyilir.
Yekun mətbuat konfransında bildirilib ki, dörd ölkənin nümayəndələri gömrük xidmətləri arasında əməkdaşlıq haqqında protokol imzalayıblar. Sənəddə malların hava nəqliyyatı vasitəsilə dövlətlərin sərhədləri üzərindən keçirilməsi ilə bağlı gömrük pozuntularına qarşı mübarizədən danışılır.
Həmçinin Moldova, Gürcüstan, Ukrayna və Azərbaycan arasında rouminqin ləğvi imkanları müzakirə edilib.
Tərəflər GUAM ölkələri ərazisində həll edilməmiş münaqişələrin nizamlanmasına daha çox diqqət ayırıblar.
"Bugünkü iclasda qeyd etdik ki, GUAM ərazisində həll edilməmiş münaqişələri nəzərə alaraq, geniş beynəlxalq dəstəyin göstərilməsi, üzv dövlətlərin suverenliyinin və ərazi bütövlüyünün pozulmasının davam etməsinə reaksiya verilməsi üzrə səylərimizi artırmalıyıq", - Gürcüstanın baş naziri Mamuka Baxtadze bildirib.
Beləliklə, GUAM ölkələri BMT-yə dondurulmuş münaqişələrin həllinə dair qətnamə layihəsini təqdim edəcəklər.
"GUAM ölkələri üçün təkcə iqtisadi əməkdaşlıq yox, həm də çağırışların və təhlükələrin qarşısının alınması üçün birgə tədbirlərin həyata keçirilməsi vacibdir.
Təhlükəsizliyin təminatı üçün regional həmrəylik birinci dərəcəli vəzifədir", - Moldovanın baş naziri Pavel Filip qeyd edib.
"Ərazi münaqişələrinin dinc yolla həlli o zaman asan olar ki, ölkədə özgə qoşunları və silahları olmasın", - o vurğulayıb.
Gürcüstanın baş naziri onu dəstəkləyib. O deyib ki, "Rusiya əvvəl olduğu kimi, indi də işğal edilmiş ərazilərdə yaşayan vətəndaşlarımız üçün yaxşı həyat şəraitinin yaradılması üzrə səylərimizi pozur. Rusiyanın müdaxiləsindən sonra həmin regionların əhalisi beş dəfə azalıb", - o bildirib.
Öz növbəsində Ukraynanın baş naziri Vladimir Qroysman deyib ki, "bu aqressiyanın dəf edilməsi üzrə alətlərin tapılması üçün bütün demokratik dövlətlərin konsolidasiyası vacibdir".
Görüşün yekunlarına əsasən dörd ölkənin gömrük xidmətləri əməkdaşlıq haqqında protokol imzalayıblar.
Qeyd edək ki, həmin gün Tbilisidə iyunun əvvəlində Ukrayna, Moldova və Gürcüstan tərəfindən yaradılmış parlamentlərarası assambleyanın nizamnaməsi imzalanıb.
Ukrayna Ali Radasının sədri Andrey Parubi qeyd edib ki, hər üç ölkə Rusiyanın aqressiyasına qarşı birgə müqavimət göstərəcək.
Moldovalı spiker Kandunun sözlərinə görə, deputatlar hər üç dövlətin tezliklə Aİ-yə daxil olması, həmçinin regional təhlükəsizlik çağırışlarına cavab vermək üçün birgə iş aparacaqlar. Əsasən söhbət ərazi bütövlüyünün qorunması, enerji müstəqilliyi, kibertəhlükəsizlik sahəsində təhdidlərin və dezinformasiyanın qarşısının alınmasından gedir.02D-
-
- Cəmiyyət
- 6 Oktyabr 2018 11:34
-
- Mədəniyyət
- 6 Oktyabr 2018 15:16
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz