Иса Гамбар
Gülağa Aslanlı: �İsa Qəmbərin müayinəsi davam edir�
Bakı/01.03.18/Turan: Milli Strateji Düşüncə Mərkəzinin sədri, Müsavat Partiyasının sabiq başqanı İsa Qəmbərin Türkiyədə müayinəsi başlanıb. Bunu Turan-a Müsavat Partiyasının Mərkəzi İcra Aparatının rəhbəri Gülağa Aslanlı bildirib.
G.Aslanlının sözlərinə görə, İ.Qəmbərin səhhətində hər hansı problem yoxdur, aparılan ilkin müayinələrdən də bu aydındır. Müayinə aparan həkimlər martın 1-i axşama kimi müayinələrin nəticəsinin məlum olacağını bildiriblər.
İ.Qəmbərin nə zaman Azərbaycana dönəcəyi ilə bağlı sualın cavabında G.Aslanlı bu tarixin hələ məlum olmadığını bildirib, bunu İ.Qəmbərin bir sıra görüşlərinin olması ilə əlaqələndirib.
Xatırladaq ki, İ.Qəmbər bu il yanvarın 13-də səhhətində yaranan problemlə bağlı Mərkəzi Klinikaya yerləşdirilib, İ.Qəmbərin ürəyinə stendlər qoyulub.
İ.Qəmbər fevralın 23-də yenidən Mərkəzi Klinikaya müraciət edib, amma bu müraciət səhhətində problemlə bağlı olmayıb, profilaktik xarakter daşıyıb.
Fevrlaın 28-də isə İ.Qəmbər Müsavat Partiyasının başqanı Arif Hacılının müşayiəti ilə Türkiyə yola düşüb. Paytaxt Ankarada klinikaların birində müalicə alır.
İ.Qəmbər milli-azadlıq mübarizəsinin liderlərindən, Azərbaycan Xalq Cəbhəsinin qurucularından biridir, 1992-93-cü illərdə parlamentin sədri olub, müəyyən müddət prezident səlahiyyətlərini icra edib.-05B-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz