Bakı/ 01.03. 18/Turan: Müxalifət qüvvələrinin birgə mitinqi martın 10-da saat 15:00-dan 17:00-dək Yasamal rayonundakı "Məhsul" stadionunda keçiriləcək. Bu barədə Turan-a Müsavat Partiyası Mərkəzi İcra Aparatının rəhbəri Gülağa Aslanlı məlumat verib.
Onun sözlərinə görə, Bakı Şəhər İcra Hakimiyyətinə müvafiq müraciət hazırlanıb. Müraciəti Milli Şura, AXCP və Müsavat Partiyası imzalayıb.
Mitinq "Monarxiyaya son!", "Siyasi məhbuslara azadlıq!", "Korrupsiyaya son!", "Bahalaşmaya etiraz edirik!" və digər şüarlar altında keçiriləcək.
REAL Hərakatı İdarə Heyətində mitinqlə bağlı müzakirələr olub, müəyyən qərarlar verilib. Sabah vəkil Fuad Ağayev REAL sədri İlqar Məmmədovun yanına gedəcək, onun da fikirlərini alandan sonra rəsmi məlumat yayılacaq.16D-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz