![Gülər Əhmədovanı qətldə ittiham etdilər](https://turan.az/resized/media/2013/main/110700056730-750-500-resize.webp)
Gülər Əhmədovanı qətldə ittiham etdilər
Keçmiş deputat Gülər Əhmədovanın işi üzrə bugünki məhkəmə iclasında Beynəlxalq Universitetinin keçmiş rektoru Elşad Abdullayevdən 1 mln. dollar alarkən Əhmədovanın şəriki olmuş mərhum Sevinc Babayevanın xalası və bacısı ifadə veriblər.
Ağır Cinayətlərə dair İşlər üzrə Bakı Məhkəməsində Əlisultan Osmanovun sədrliyi ilə keçirilən ilk prosesdə Babayevanın xalası Zərifə Cəbiyeva çıxış edib. O, 2012-ci ilin yayında bacısının qonağı olduğu zaman bacısı qızı Sevinc Babayeva oraya gəlib və onu zəhərlədiklərini bildirib.
“Onu bir neçə xəstəxanaya apardıq, amma onu qəbul etmirdilər, çünki xəstə kimi görünmürdü. Sonra “Semaşko”da onu qəbul etdilər. Növbəti gün Sevinc bizdən xahiş etdi ki, onu çıxaraq, çünki öldürüləcəyindən qorxurdu. Biz onu çıxardıq və tanışlıqla Gömrük hospitalına yatırdıq”, deyə Cəbiyeva bildirib.
Onun sözlərinə görə, dünən Sevinc Babayeva “Sultan” restoranda Gülər Əhmədova ilə nahar edib. “Sevinc deyib ki, toyuq yeyib və ətin acı olduğunu hiss edib”, deyə mərhumun xalası bildirib.
Daha sonra o, Türkiyəyə getdikdən sonra Babayevanın ona zəng etdiyini və Elşadın verdiyi puldan bir qəpik belə almadığına and içdiyini bildirib.
Gülər deyirdi ki, səbr etsin, Azərbaycana qayıtdıqdan sonra “bəstəkar” ona borcu verəcək (FHN rəhbəri Kəmaləddin Heydərovu nəzərdə tutur).
Öz növbəsində Əhmədova Cəbiyevanın dediklərini yalan adlandırıb və əlavə edib ki, dəfələrlə Sevinc Babayevaya kömək edib.
Daha sonra S.Babayevanın bacısı Təranə Səfərova ifadə verib. O iddia edib ki, Gömrük hospitalının Qalib adlı həkimi ona bildirib ki, bacısını zəhərləyiblər və 6 aylıq ömrü qalıb.
Sevinc bir müddət müalicə olunub, özünü daha yaxşı hiss etməyə başlayıb, amma ayın 26-da (sentyabrın) deyib ki, Bakıda qala bilməz və Türkiyəyə getməlidir, deyə Səfərova bildirib.
O, Türkiyəyə bacısının yanına getdiyi zaman onun Əhmədova ilə skype vasitəsilə danışdığını deyib.
“Gülər dedi: Seva, mən pulu Ramiz Mehdiyevə vermişəm, o isə prezidentin bağında onunla danışıb. Məsələ həll olunacaq”. Növbəti gün Sevinc özünü pis hiss edib, lakin pasportu olmadığı üçün onu Cerrahpaşa klinikasına qəbul etməyiblər. Gülər onun işini Kəmaləddinlə müzakirə etdiyini deyib”, deyə Səfərova bildirib.
Lakin müttəhim şahidlərin ifadəsini “yalan” adlandırıb və iddia edib ki, onları Abdullayev öyrədib.
Səfərova müttəhimə üz tutaraq “onu sən zəhərlədin və Türkiyəyə sən göndərdin!” deyə qışqırıb. Proses davam edir. -16D-
-
- İqtisadiyyat
- 7 Noyabr 2013 15:12
-
- İqtisadiyyat
- 7 Noyabr 2013 15:20
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz