"Gürcü Arzusu" yeni prezident seçir

Azərbaycan parlamentində yeni prezident seçkiləri keçirilir. Yeganə namizəd "Gürcü Arzusu"nun irəli sürdüyü ali təhsili olmayan keçmiş futbolçu Mixail Kavelaşvilidir. 

Üç çağırış parlamentin deputatı olan Kavelaşvili anti-Qərb bəyanatları, iclaslarda dava-dalaşları və senzuradankənar leksikadan istifadə etməsi ilə ictimaiyyətin yadında qalıb.

Bir çox vətəndaşlar onun namizədliyinin irəli sürülməsini prezident institutunun və bütünlükdə dövlətin təhqir olunması kimi qiymətləndiriblər.

Müxalifət parlamentin işində iştirak etmir və öz namizədini irəli sürməyib, yeni prezidenti isə tanımayacağını bəyan edib.

Hazırkı prezident Salome Zurabişvili prezident seçkilərini "parodiya" və "təxribat" adlandırıb. Müxalifət kimi, o da parlamenti qeyri-legitim hesab edir.
Zurabişvili ölkədə yeni prezident seçkiləri keçirilənə qədər səlahiyyətlərini dayandırmaq niyyətində deyil. 

Gürcüstanın baş naziri İrakli Kobaxidze isə deyib ki, dekabrın 29-da Kavelaşvilinin inauqurasiyasından sonra Zurabişvili "təqaüdə çıxmalı" olacaq.