arxiyepiskop Pol Riçard Qallaxer
Dekabrın 13-də Vatikanın dövlətlər və beynəlxalq təşkilatlarla əlaqələr üzrə katibi arxiyepiskop Pol Riçard Qallaxerin Azərbaycana üç günlük səfəri başlayıb.
Müqəddəs Taxt-Tacın məlumatında deyilir ki, səfərin məqsədi ölkənin paytaxtı Bakıda müqəddəs İohann Pavel II-yə həsr edilmiş yeni kilsənin yerini təqdis etmək və təməlin ilk daşını qoymaqdır.
Səfər proqramına əsasən, şənbə günü, dekabrın 14-də arxiyepiskop Qallaxer yerli dini təşkilatların nümayəndələri ilə görüşəcək və "Məryəm Mərkəzi" təhsil mərkəzinə baş çəkəcək.
Elə həmin gün Bakıda yeni kilsənin yeri təqdis ediləcək və təməlinin ilk daşı qoyulacaq.
Bazar günü, dekabrın 15-də arxiyepiskop Bakıda Məryəmin Məsum Hamiləliyi şərəfinə kilsədə bayram tədbirinə rəhbərlik edəcək.
Elə həmin gün şeyxülislam Allahşükür Paşazadə ilə dinlərarası görüşdə iştirak planlaşdırılıb.
Bazar ertəsi, dekabrın 16-da arxiyepiskop Qallaxer Azərbaycan prezidenti İlham Əliyevlə, daha sonra isə xarici işlər naziri Ceyhun Bayramovla görüşəcək.
Siyasət
-
Yanvarın 16-da Azərbaycan və Ermənistan arasında dövlət sərhədinin delimitasiyası üzrə Dövlət Komissiyasının və Ermənistanı ilə Azərbaycan arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın 11-ci görüşündə Azərbaycanla Ermənistan arasında sərhədlərin delimitasiyası istiqamətləri müəyyən edilib. Bu barədə Azərbaycanın Ermənistanla sərhədin delimitasiyası və demarkasiyası üzrə Dövlət Komissiyasının məlumatında deyilir.
-
“USAİD-in 2024-cü il 1 iyul tarixindən Azərbaycanda fəaliyyət göstərməsi de-yure mümkün deyil”, - Azərbaycanın xarici işlər naziri Ceyhun Bayramov bugünkü mətbuat konfransında bildirib.
-
Azərbaycan və Gürcüstan hər zaman regionda sülhün və sabitliyin tərəfdarı olublar,- cümə axşamı Gürcüstanın xarici işlər naziri Maka Boçorişvili Azərbaycanın xarici işlər naziri Ceyhun Bayramov ilə birgə keçirdiyi mətbuat konfransında bildirib.
-
Azərbaycan Xalq Cəbhəsi Partiyası Lənkəran şöbəsinin fəalı Ramil Eynəliyev "polisə tabe olmamaq" ittihamı ilə inzibati qaydada 30 sutka həbs edilib.
Rəy yaz