Deputat Mehriban Əliyevanın birinci vitse-prezident təyin olunmasının ilk təşəbbüskarlarından biri, “Vətən Naminə” Xalq Hərəkatı Birliyinin sədri Hacı Əbdül Əbdülov M.Əliyevanın birinci vitse-prezident təyin olunmasını hakimiyyətə yeni nəfəsin gəlməsi kimi dəyərləndirib.
Ə.Əbdülov Turan-a açıqlamasında yenə də fikrinin üstündə qaldığını deyərək bu təyinatı ən doğru seçim adlandırıb: “Əlbəttə, bu münasibətlə M.Əliyevanı və prezidentin özünü təbrik edirəm. Amma məsələ təkcə təyinatda deyil, həm də bizim gösləntilərimiz var, biz ölkəboyu islahatların başlamasını gözləyirik və xalqı bu islahatları dəstəkləməyə çağırırıq”.
Xatırladaq ki, 2016-cl ilin sentyabrında Azərbaycanda Konstitusiyaya dəyişikliklərlə bağlı referendum keçirilib.
Bu dəyişikliklərdən biri də dövlət idarəetmə sistemində vitse-prezidentlik institutunun tətbiqi olub.
2016-cı ilin oktyabrında Ə.Əbdülovun sədri olduğu “Vətən Naminə” Xalq Hərəkatı Birliyi Mehriban Əliyevanın birinci vitse-prezident təyin olunması təşəbbüsü ilə çıxış edərək bəyanat yaymışdı.
Xatırladaq ki, dövlət başçısı İlham Əliyev fevralın 21-də imzaladığı sərəncamla xanımı, deputat Mehriban Əliyevanı birinci vitse-prezident təyin edib.-05B-
Siyasət
-
Ombudsman nümayəndələri 1 saylı Bakı İstintaq Təcridxanasının monitorinqi çərçivəsində Abzas Media-nın həbsdə olan jurnalistləri Sevinc Vaqifqızı (Abbasova), Elnarə Qasımova və Nərgiz Absalamova ilə görüşüblər.
-
Heyvan hüquqları müdafiəçisi Kamran Məmmədlinin ölkədən çıxışına qadağa qoyulub. Bu barədə Turan-a o, özü bildirib.
-
Dekabrın 3-də Bakının Nərimanov Rayon Məhkəməsində iqtisadçı alim Qubad İbadoğlunun ölkədən çıxış qadağası haqqında şikayətinə baxılacaq.
-
Bazar ertəsi polis Azərbaycan Xalq Cəbhəsi Partiyasının (AXCP) lideri Əli Kərimlinin işi üzrə prosesin keçirildiyi Nəsimi Rayon Məhkəməsinin binasına gedən yolları bağlayıb. Polis güc tətbiq edərək altı AXCP fəalını: Milli Şuranın üzvü Vidadi Mirkamal, həmçinin Məmməd İbrahim, Gülnarə Rəhimova, Ruslan Əmirov, Elçin Hacıvəlli və Rövşən Səfərovu saxlayıb.
Rəy yaz