Bakı Apelyasiya Məhkəməsi REAL Hərəkatınn həbsdə olan rəhbəri, prezidentliyə namizəd Ilgar Məmmədovun Mərkəzi Seçki komissiyasına qarşı qaldırdığı iddia üzrə çərşənbə axşamı keçirlən məhkəmə iclasını sentyabrın 18-nə kimi təxirə salıb. Bu haqda Turana REAL-in icraçı katibi Natiq Cəfərli bildirib.
İddiaçı tərəf məhkəmədən MSK-nın İlqar Məmmədovun namizədlyinin qeydə alınmaması haqda qərarının ləğvini tələb edirlər. N.Cəfərli qeyd edib ki, vəkil Xalid Bağırov məhkəmə prosesində İ.Məmmədovun iştirakının olması barədə vəsatət verib. Məhkəmə vəsatəti təmin edib.
Qeyd edək ki, “REAL” hərəkatının sədri İ.Məmmədova cinayət məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315.2-ci (hakimiyyət nümayəndəsinə zor tətbiq etmə və ya müqavimət göstərmə) maddəsi ilə ittiham irəli sürülüb. O, yanvarın 23 və 24-də İsmayıllıda baş vermiş aksiyalar zamanı ictimai qaydanı pozmaqda və vətəndaşları iğtişaşlara təhrik etməkdə təqsirləndirilir.-16D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz