İranda işgüzar səfərdə olan Dini Qurumlarla iş üzrə Dövlət Komitəsinin sədri Elşad İskəndərov İran Milli Kitabxanası və Sənədlər Təşkilatının sədri, İran prezidentinin müşaviri İshaq Salehilə görüşüb. Bu xəbər Tuarna komtədən daxil olub.
İ.Salehi Gəncədə Nizami Gəncəvinin məqbərəsindən beytlərini əks edən fars dilində yazılı abidələrin sökülməsi haqda İran mətbuatındakı informasiyalara diqqət çəkib. Bu xəbərin İran alim və tədqiqatçılarını narahat etməsi deyilib.Bu N.Gəncəvi kimi dahi şairin irsinə biganəlik adlandırılıb.
E.Iskəndərov bu xəbərlərin əsassız ajiotaj yaratdığını vurğulayıb. O, Azərbaycanda N.Gəncəvi irsinin qorunması, ona verilən önəm haqda İran tərəfə məlumat verib. İran tərəfin Nizmainin İran şairi olmasını iddia etməsinə baxmayaraq komitə sədri Nizamin “böyük Azərbaycan şairi və mütəfəkkiri” kimi təqdim edib. Dünyada N.Gəncəviyə Azərbaycan qədər sahiblik edən başqa dövlətin olmadığını vurğulayıb. N.Gəncəvinin adına Bakıda küçə, Ədəbiyyat Tarixi Muzeyi, Elmlər Akademiyasının Ədəbiyyat İnstitutu, metro stansiyası olması, şəhərin mərkəzində heykəli qoyulması xatırladılıb. Nizami əsərlərinin dəfələrlə, ən müxtəlif dillərdə nəşr edildiyi, bu şairin daim Azərbaycan ədəbiyyatının zirvəsi hesab olunduğu xatırladılıb. Son illər ərzində Nizami irsinin dünya miqyasında tanıdılması üçün Azərbaycan tərəfin Romada abidəsini ucaltdığını, beyənlxalq tədbirlər keçirdiyini yada salıb. Komitə sədri daha sonra deyib ki, ətrafında ajiotaj yaradılan məqbərə daşlari tarixi kitabə deyil, hazırda məqbərənin əsaslı təmiri ilə bağlı bütün üzlüklər kimi onlar da yenilənir.
Nizami irsinin bir hissəsi olaraq əsərlərinin yazıldığı fars dilinə də hörmətlə yanaşılır, belə ki, Azərbaycan dövləti Nizaminin fars dilində 10 cildlik əsərlər toplusunu çap edib. Bərpadan sonra məqbərənin daha da möhtəşəm olacağı deyilib.
İ.Salehi Nizami irsinə Azərbaycanda verilən bu önəmə görə təşəkkür edib, bu məlumatların çoxunun onun üçün yeni olduğunu nəzərə çatdırıb.
Nümayəndə heyəti kitabxanın kitab fondu, strukturu, iş prinsipi ilə tanış olub. Burada müxtəlif dillərdə 3 milyondan yuxarı kitab və dərgi saxlanılır. Kitabxananın əlyazmalar saxlanan arxivlər qonaqlara nümayiş etdirilib.
Kitabxana rəhbərliyilə keçirilən görüşdə, ikitərəfli əməkdaşlığa aid bir sıra məsələlər müzakirə edilib.-05D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz