Harlem Désir
Harlem Dezir Mustafa Hacıbəyli barəsində hökmü pisləyib, işə yenidən baxmağa çağırıb
Vyana/23.02.19/Turan: ATƏT-in KİV azadlığı məsələləri üzrə nümayəndəsi Harlem Dezir Azərbaycanda bastainfo.com saytının redaktoru Mustafa Hacıbəyli barəsində çıxarılmış hökmlə bağlı ciddi narahatlığını bildirib.
Bakı Ağır Cinayətlər Məhkəməsi Hacıbəylini dövlət əleyhinə açıq çağırışlar, vəzifə səlahiyyətlərini aşma və vəzifə saxtakarlığı ittihamı ilə iki il sınaq müddəti olmaqla, beş il yarım müddətinə şərti cəzaya məhkum edib.
Məlumata görə, ittihamlar bastainfo.com-un 2018-ci ildə elektrik enerjisi verilməsində fasilələr və Gəncə şəhərinin icra başçısına qarşı hücumla bağlı yalan və qanunsuz məlumat yayması haqqında ittihamlarla bağlıdır.
"Məhkəmənin Mustafa Hacıbəylinin işi üzrə bu qərarı Azərbaycanda ifadə və KİV azadlığı ilə bağlı narahatlıq doğuran təmayül olduğunu göstərir. Mən hakimiyyəti apellyasiya qaydasında işə yenidən baxmağa və jurnalistin maneəsiz və ATƏT-in KİV azadlığı ilə bağlı öhdəliklərinə tam uyğun şəkildə işləmək imkanı verməyə çağırıram", deyə Dezirin bəyanatında bildirilir.
ATƏT nümayəndəsi məhkəmə təhqiqatı zamanı xeyli pozuntular olduğunu və redaktora qarşı irəli sürülmüş ittihamlarla bağlı dəlillərin olmadığını qeyd edir.
Dezir həmçinin bənzər ittihamlarla məhkəmə qarşısına çıxarılacaq criminalaz.com onlayn platformasının redaktoru Anar Məmmədovun işi üzrə narahatlığını təkrar edib.
"Fikri ifadə azadlığı hüququnun istənilən şəkildə məhdudlaşdırılması qanunun aliliyi, zərurət və mütənasiblik prinsiplərinə tamamailə uyğun şəkildə tətbiq edilməlidir. KİV azadlıqları öz işlərinə görə təqibə məruz qalmamalıdır", deyə Dezir bildirib. -02D-
-
- Siyasət
- 23 Fevral 2019 12:41
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz