Müxalifət yeni mitinqini martın 2-nə təyin edib
Bakı/23.02.19/Turan: Demokratik Qüvvələrin Milli Şurası (DQMŞ) martın 2-nə növbəti etiraz aksiyası təyin edib. Mitinqin gələn şənbə saat 15:00-dan 17:00-a qədər "Məhsul" stadionunda keçirilməsi nəzərdə tutulur.
AXCP lideri Əli Kərimli bildirib ki, aksiyanın şüarları əvvəlki aksiyaların şüarları olaraq qalır: siyasi məhbuslara azadlıq, kənara çıxaırlmış vəsaitlərin ölkəyə qaytarılması, 2015-ci il devalvasiyalarından sonra əhalinin yaranmış kredit probleminin dövlət hesabına silinməsi və s.
Qeyd edək ki, yanvarın 19-da DQMŞ son 6 il ərzində ən kütləvi mitinqini keçirib.
Bundan sonra müxalifətin yanvarın 26-na və fevralın 23-nə təyin edilmiş mitinqlərinə hakimiyyət icazə verməyib. Bakı şəhər administrasiyası bunu "vətəndaşların və təşkilatların" 19 yanvar aksiyası zamanı ictimai asayişin pozulmaı ilə əlaqədar mitinqlərə icazə verməmək barədə müraciətləri ilə əsaslandırıb.
Maraqlıdır ki, paytaxt polisi 19 yanvar aksiyasından dərhal sonra mitinq zamanı ictimai asayişin pozulması hallarının qeydə alınmadığını bəyan edib. -05D06-
-
- Cəmiyyət
- 23 Fevral 2019 12:13
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz