![Həbs edilmiş Akif Qurbanov görüş və telefon danışığı hüququndan məhrum edilib](https://turan.az/resized/news/2024/P854XckVloMrZxr6RCDf1gkNRcaKU9gm7uhtPGAx-750-500-resize.webp)
Həbs edilmiş Akif Qurbanov görüş və telefon danışığı hüququndan məhrum edilib
Həbs edilmiş Akif Qurbanov görüş və telefon danışığı hüququndan məhrum edilib (yeniləndi)
İyunun 1-də "III Respublika Platforması"nın İdarə Heyətinin həbsdə olan sədri Akif Qurbanovun ailə üzvləri ilə görüşməsinə və evə zəng etməsinə icazə verilməyib. Yoldaşları hesab edirlər ki, Qurbanovun hüquqlarının pozulmasının səbəbi onun Apellyasiya Məhkəməsindəki nitqində Azərbaycan hakimiyyətini tənqid etməsidir.
"III Respublika Platforması"nın məlumatında deyilir ki, iyunun 1-də 1 saylı Bakı İstintaq Təcridxanasında onunla görüş verilməyib. Ona gətirilən sovqat dəfələrlə və çox sərt yoxlanılıb, selektiv qəbul edilib. Ona aparılan kitablar isə geri qaytarılıb.
Elə həmin gün Qurbanovun evə zəng etməsinə də icazə verilməyib, deyə mənbənin məlumatında bildirilir.
Xatırladaq ki, Qurbanov Azərbaycan hakimiyyətini və güc qurumlarının metodlarını tənqid edib, bu metodları "Stalin Xalq Daxili İşlər Komissarlığı" ilə müqayisə edib. Onun nitqi KİV-də dərc olunub.
Yoldaşları son günlər ətrafdan tamamilə təcrid olunmuş Qurbanovun aqibətinə görə narahat olduqlarını bildiriblər.
* Akif Qurbanov 6 mart 2024-cü il tarixində Toplum TV-nin işi çərçivəsində saxlanılıb. Martın 8-də Xətai Rayon Məhkəməsi onu 4 ay müddətinə həbs edib.
Eyni zamanda, Toplum TV saytının təsisçisi Ələsgər Məmmədli, "III Respublika Platforması"nın üzvü Ruslan İzzətli, Topum TV-nin redaktoru Müşfiq Cabbar, Demokratik Təşəbbüslər İnstitutunun əməkdaşları Ramil Babayev, İlkin Əmrahov və Əli Zeynal saxlanılıb.
Onlar hamısı valyuta qaçaqmalçılığında ittiham olunub, hakimiyyətyönlü KİV-lər isə qeyd edilən şəxslərin xaricdən "qanunsuz" qrantlar aldığı haqqında məlumat yayıb.
Beynəlxalq təşkilatlar, o cümlədən ABŞ Dövlət Departamenti Azərbaycan hakimiyyətini ədalətsiz olaraq həbs olunmuş şəxsləri azad etməyə çağırıb.
Öz növbəsində Penitensiar Xidmət Turana bildirib ki, qeyd edilənlər həqiqəti əks etdirmir.
“Həbs edilmiş şəxs Akif Qurbanovun telefon danışıqlarına və görüşlərinə məhdudiyyət qoyulmamış, qanunvericilikdə nəzərdə tutulmuş qaydada və sayda ona ailə üzvləri ilə görüşmək, telefonla zəng etmək, sovqat qəbul etmək üçün şərait yaradılır”, - Penitensiar Xidmət qeyd edib.
-
- Siyasət
- 3 İyun 2024 13:16
-
- Bazarların icmalı
- 3 İyun 2024 13:23
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz