![Helsinki Komissiyası mətbuatın düşmənlərinə qarşı sanksiyalar haqqında qanun hazırlayıb](https://turan.az/resized/750/500/resize/media/2015/main/050200114683.jpg)
Helsinki Komissiyası mətbuatın düşmənlərinə qarşı sanksiyalar haqqında qanun hazırlayıb
Vaşinqton/02.05.15/Turan: 3 may Ümumdünya Mətbuat Azadlığı Günündə ABŞ Helsinki Komissiyasının sədri Kris Smit bəyanatla çıxış edərək bəzi ölkələrin hakimiyyətlərinin siyasətindən narahatlığını bildirib.
“Ümumdünya Mətbuat Günündə ATƏT məkanında və onun hüdudlarından kənarda öz həyatını riskə qoyaraq korrupsiya, münaqişələr, insan hüquqları haqqında yazan bir çox jurnalistin cəsarətini və sadiqliyini qiymətləndirmək istəyirəm.
Bəzi ATƏT ölkələrində hökumətlər peşəkar jurnalistləri ələ almaq və qorxutmaq üçün maksimum üsullara əl atırlar. Ən pis halda jurnalistlər siyasi motivli ittihamlarla həbs olunurlar. Bu, Helsinki Yekun Aktında əksini tapan fundamental azadlıqlar və insan hüquqlarına sadiq millətlər üçün yolverilməz hərəkətdir.
Odur ki, mən ATƏT iştirakçılarını, xüsusiləTürkiyə, Azərbaycan və Özbəkistanı həbsdə olan jurnalistləri azad etməyə çağırıram”, - müraciətdə deyilir.
Helsinki Komisiyasının məlumatnda qeyd olunur mayın 5-də Kris Smit 2015-ci il üçün mətbuat azadlığını Müdafiə Aktını Konqresə təqdim etməyi planlaşdırır.
Bu qanun ABŞ prezidentini mətbuat azadlığını pozan, Amerika jurnalistlərinin və KİV-in hüquqlarının pozulduğu ölkələrdə dövlət KİV-də ABŞ-ın fəaliyyətini məhdudlaşdıran məmurlara qarşı viza sanksiyalarının tətbiqinə, həmçinin ABŞ hökumətini beynəlxalq müqavilələrə mətbuat və İnternet azadlığına əməl olunmasının vacibliyi barədə bəndin əlavə edilməsinə çağırır.-25D-
-
- Cəmiyyət
- 2 May 2015 01:25
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz