Həmkarlar İttifaqı fəalı Elvin Mustafayev həbsxana hospitalında müalicədən imtina edilməsindən şikayətlənir
Həmkarlar İttifaqı fəalı Elvin Mustafayev həbsxana hospitalında müalicədən imtina edilməsindən şikayətlənir
"İşçi Masası" müstəqil Həmkarlar İttifaqları Konfederasiyasının üzvü, həbsdə olan Elvin Mustafayev Penitensiar Xidmətin hospitalında müalicə olunmasından təkrar imtina edilməsindən şikayət edib. Bu barədə "İş masası" Həmkarlar İttifaqları Konfederasiyasının məlumatında deyilir.
Mustafayev sentyabrın 20-dən 28-dək həbsxananın hospitalında olub, lakin müayinə və müalicə olunmadan koloniyaya qaytarılıb və orada etiraz əlaməti olaraq aclığa başlayıb.
Oktyabrın 3-də hospitala qayıtdıqdan sonra aclığı dayandırıb. Ancaq hospitalda onu beş gün saxlayıblar və müalicə etmədən yenidən koloniyaya qaytarıblar.
Bundan əlavə, hospitalda Mustafayevi evə zəng etmək və yaxınları ilə görüşmək imkanlarından məhrum ediblər. Buna görə etiraz etdikdə, onu qandallayıblar, məhbuslar üçün avtomobilə sürüyərək 13 saylı koloniyaya aparıblar, fəalın tərəfdaşları bildiriblər.
Mustafayev hələ də başında və onurğasında şiddətli ağrılardan şikayətlənir.
Penitensiar Xidmətdən şərh almaq mümkün olmayıb.
* Elvin Mustafayev 4 avqust 2023-cü ildə saxlanılıb və narkotik maddə alverində ittiham olunub. Mustafayev ittihamları rədd edərək bildirib ki, narkotik maddəni onun üzərinə qoyublar. Yanvarın 31-də Bakı Ağır Cinayətlər Məhkəməsi onu 3 il müddətinə azadlıqdan məhrum edib. Hüquq müdafiəçiləri onu siyasi məhbus kimi tanıyıblar. Həbsin əsl səbəbi kimi Elvin Mustafayevin xidmət sahəsi işçilərinin hüquqları uğrunda mübarizəsi göstərilir.
Siyasət
-
Çərşənbə günü Ədalət Mühakiməsinin Səmərəliliyi üzrə Avropa komissiyası Avropa məhkəmə sistemlərinin qiymətləndirilməsinə dair hesabatı açıqlayıb.
-
Azərbaycan Xarici İşlər Nazirliyinin nümayəndəsi Ayxan Hacızadə Fransada "Afrika xalqlarının hüquqları uğrunda mübarizə aparan" Kemi Seba və "Telegram" sosial şəbəkəsinin təsisçisi Pavel Durovun Fransada həbs olunması fundamental insan hüquqlarının pozulması adlandırıb.
-
Azərbaycanın baş nazirinin müavini Şahin Mustafayev İrana səfəri çərçivəsində oktyabrın 15-də İranın xarici İşlər naziri Seyid Abbas Əraqçi ilə görüşüb.
-
“Azel” TV saytının təsisçisi əfqan Sadıqova siyasi sığınacaq verilməsindən imtina ilə bağlı Gürcüstan Daxili İşlər Nazirliyinin Miqrasiya Departamentinin qərarından oktyabrın 16-da Tbilisi Şəhər Məhkəməsinə şikayət verilib, Turan-a onun vəkili Keti Çutlaşvili bildirib.
Rəy yaz