Hər bir üçüncü rusiyalı (31%) “Levada-mərkəz”in sosioloqlarına bildirib ki, Vladimir Putinin prezident vəzifəsində fəaliyyətini dəstəkləmir (sorğu noyabrın 15-18-də keçirilib). Bu, son 12 ildə ən yüksək rəqəmdir.
Rusların 47%-i Putinin fəaliyyətini dəstəkləyir, daha 16% etiraf edib ki, onun fəaliyyəti haqqında kifayət qədər məlumatı yoxdur, deyə “Exo Moskvı” radiosu məlumat yayıb.
Rusların Putin haqqında ümumi təəssüratı hələlik müsbətdir: 52% əsasən yaxşı fikirdədir. Bu rəqəm yalnız 2013-cü ilin avqustunda 50%-dən aşağı (47%) olub.
Payızın yekunlarına görə digər sosioloji xidmətlər də təkcə Putinin deyil, baş nazir Dmitri Medvedevin də, “Vahid Rusiya”nın da reytinqinin azaldığını qeyd edirlər.
Ərzaq və benzinin qiymətinin artması hakimiyyətə dəstək səviyyəsinə təsir edə bilərdi, ekspertlər belə hesab edirlər. -02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz