HRW Bakıda Avropa Oyunlarının işıqlandırılması üçün təlimat hazırlayıb
Human Rights Watch Bakıda Avropa Oyunlarını işıqlandıracaq jurnalistlər üçün təlimatı dərc edib. Bu sənəddə əsas insan hüquqları problemləri, kəskin şəkildə pisləşən vəziyyət və Azərbaycan hökumətinin bütün bu əməllərinin Olimpiya Xartiyasına necə zidd olduğu əksini tapır.
“Hökumət repressiyaları bu oyunları qeyri-düzgün edir və jurnalistlər bunu bilməlidirlər. Təlimatda hakimiyyətin fərqli düşüncənin boğulması üzrə misli görünməmiş kampaniyası təsvir edilib”, deyə Ceyn Byukenen bildirib.
“Bütün bunlar 35-dən çox jurnalist, hüquq müdafiəçisi və fəalların həbsxanaya düşməsinə, çoxlarının isə ölkəni tərk etmək məcburiyyətində qalmasına gətirib çıxarıb”, deyə o qeyd edib.
KİV azadlığının məhdudlaşdırılması və yerli jurnalistlərin həbsi xarici mətbuatın Avropa Oyunlarını işıqlandırmaq qabiliyyətini və ölkədə ümumi vəziyyəti pisləşdirir, HRW belə hesab edir.
“Bakı oyunları Olimpiya Xartiyasının himayəsi altında təşkil edilib. Bu xartiyada insan ləyaqətinə hörmət prinsipi və onun təşviqində idmanın rolu təsbit edilib. Hakimiyyətin siyasəti bu prinsipə ziddir”, deyə Byukenen bildirib.
Jurnalistlər üçün Avropa Oyunlarının işıqlandırılması üzrə Təlimatı aşağıdakı linkdə oxumaq olar:
http://www.hrw.org/news/2015/05/05/reporters-guide-covering-2015-european-games-baku-azerbaijan
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz