![Hüseyn Abdullayevlə bağlı yeni iş məhkəməyə göndərilib](https://turan.az/resized/news/2024/p4dVh5jFoeyU5lFVwFMgq8ZqxGiJK313vWwVAMpV-750-500-resize.webp)
Hüseyn Abdullayevlə bağlı yeni iş məhkəməyə göndərilib
Hüseyn Abdullayevlə bağlı yeni iş məhkəməyə göndərilib
Milli Məclisin sabiq deputatı Hüseyn Abdullayevin cinayət işi üzrə ibtidai istintaq başa çatıb.
Baş Prokurorluğun məlumatında deyilir ki, bir sıra Avropa ölkələrində Abdullayev və digər şəxslər tərəfindən külli miqdarda pul vəsaitlərinin leqallaşdırılmasına dair xarici ölkələrin aidiyyəti orqanlarından daxil olmuş müraciətlər əsasında cinayət işi açılıb.
İstintaq müəyyən edib ki, “Hüseyn Abdullayevin əldə etdiyi əmlakın mənbəyini gizlətmək üçün onun 7 bank hesabından və qohumlarının hesabından başqa ölkələrə 5,5 milyon manatdan artıq pul köçürülüb.
Konvertasiyadan sonra onun yaxın qohumlarının adına daşınmaz əmlak alınıb.
Toplanmış sübutlar əsasında Hüseyn Abdullayev Cinayət Məcəlləsinin 193-1.3.2-ci (cinayət yolu ilə əldə edilmiş xeyli miqdarda əmlakı leqallaşdırma) maddəsi ilə təqsirləndirilən şəxs qismində cəlb edilib.
Məhkəmənin qərarı ilə onun barəsində həbs-qətimkan tədbiri seçilib.
Cinayət işi üzrə ibtidai istintaq tamamlanaraq baxılması üçün Bakı Ağır Cinayətlər Məhkəməsinə göndərilib.
* Hüseyn Abdullayev 90-cı illərdə neft məhsulları biznesində aparıcı mövqe tuturdu. Onun nəzarətində olan quldur dəstələri müxalifətin etiraz aksiyalarının dağıdılmasında iştirak edib.
2005-ci ildə Abdullayev deputat olub və Nazirlər Kabinetinin fəaliyyətini tənqid edib. 2007-ci ilin martında parlamentin iclasında deputat Fəzail Ağamalı Abdullayevlə dava edib. Lakin yalnız Abdullayev cəzalandırılıb. O, əvvəlcə həbs edilib, sonra xuliqanlıq ittihamı ilə 2 il şərti azadlıqdan məhrum edilib.
O, 2013-cü ildə Azərbaycandan mühacirət edib. Bir müddət sonra onun barəsində vergidən yayınma maddəsi ilə cinayət işi açılıb.
Abdullayev 2018-ci il aprelin 22-də Almaniyadan gəldiyi Türkiyədə saxlanılıb və Azərbaycana ekstradisiya edilib.
Bakıda o, C.M.-nin 192.2.2 (külli miqdarda gəlir əldə etməklə qanunsuz sahibkarlıq), 178.2.1 (dələduzluq), 178.2.2, 178.2.4 (dələduzluq), 182.2.1 (şəxslərin qabaqcadan əlbirliyi ilə hədə-qorxu ilə tələb etmə), 182.2.2 (eyni əməllər təkrar törədildikdə) və 182.2.4 (eyni əməllər zərərçəkmişə külli miqdarda ziyan vurmaqla törədildikdə) maddələri ilə ittiham olunub.
Daha sonra o, 6 il müddətinə azadlıqdan məhrum edilib.
2020-ci ilin avqustunda BMT-nin Özbaşına Həbslər üzrə İşçi Qrupu Abdullayevin dərhal azad edilməsinə qərar verib.
6 illik həbs cəzasının başa çatmasına 47 gün qalmış, bu ilin mart ayının əvvəlində ona qarşı yeni ittihamlar irəli sürülüb. Hazırda Abdullayev cinayət yolu ilə əldə edilmiş pul vəsaitlərinin yuyulmasında (CM-in 193-1.3.2-ci maddəsi) ittiham olunur.
Xüsusilə, o, 2006-2014-cü illərdə 6 milyon manat pulun yuyulmasında ittiham olunur, baxmayaraq ki, istintaq onun 2000-2018-ci illərdəki əməllərini artıq araşdırıb.
-
- Cəmiyyət
- 31 İyul 2024 17:03
Siyasət
-
Çərşənbə günü xarici işlər naziri Ceyhun Bayramov ATƏT-in Demokratik Təsisatlar və İnsan Haqları Bürosunun Seçkiləri Müşahidə Missiyasının rəhbəri Ditmir Buşatini qəbul edib.
-
“Məhbusları çarmıxa çəkib döyür, dəhlizlərdəki "reşotka"lardan asırlar“- “Abzas Media” nəşrinin direktoru Ülvi Həsənli 6 ayda təcridxanada gördüklərindən yazır.
-
Avropa Şurasının prezidenti Şarl Mişel regionda gərginliyin artması fonunda Ermənistan və Azərbaycan arasında sülhün bərqərar olması üçün səyləri gücləndirir.
-
Müdafiə Nazirliyindən Turana bildirilib ki, iyulun 30-u xidmətdən kənar saatlarda Laçın rayonunda dörd hərbçi həlak olub. Kapitan Emnalıyev Asif, gizir Cəbrayılov Fərid, müddətdən artıq həqiqi hərbi xidmət hərbi qulluqçuları çavuş Səmədov Tural və çavuş Şahmarlı Emin Laçın rayonu ərazisində kükürd qazlı termal sularda çimərkən zəhərləniblər.
Значит ли ликвидация Исмаила Хании начало большой войны против Израиля? - беседа с Аркадием Дубновым
Xəbər lenti
-
- Cəmiyyət,
- 14:37
- 311
Rəy yaz