Tanınmış siyasətçi İbrahim İbrahimlinin Naxçıvanda zorakılığa məruz qalması ilə bağlı çərşənbə günü Müsavat Partiyasının ofisində dəyirmi masa keçirilib.
İ.İbrahimli zorakılığa məruz qalmasına ucalan etirazları cəmiyyətin iqtidara sərt təpkisi kimi dəyərləndirib. Naxçıvana yas məclisinə getməsinə baxmayaraq, belə təxribatla üz-üzə qalmasını İ.İbrahimli mənəviyyatsızlıq adlandırıb. O, iqtidarı cəmiyyətə qarşı mübarizə aparmaqda ittiham edib. Amma iqtidara xalqın apardığı demokratiya uğrunda mübarizənin geriyə dönüşü olmaması xatırladılıb.
Fiziki zorakılıqlar, gənclərin, dindarların, müxalifət qüvvələri təmsilçilərinin həbsləri iqtidarın təlaşının nəticəsi hesab edilib. Beynəlxalq aləmdən, ölkə daxilindən iqtidara təpkinin artması nəticəsində Əliyev rejiminin hazırda aqoniya durumuna düşdüyü iddia edilib. Siyasi fəallara qarşı narkotik, silah saxlamaq ittihamları son 20 ildə Əliyev rejiminin siyasi fəallara qarşı “ənənəvi silahı” adlandırılıb.
İ.İbrahimli iqtidarın demokratik müstəvidə mübarizə aparmağı bacarmadığını deyərək, kütləvi həbslərlə ölkəni seçki ilində xaosa sürüklədiyni nəzərə çatdırıb. Bu durumdan çıxış yolu kimi xalqın demokratik qüvvələr ətrafında sıx birləşərək, rejimə qarşı mübarizə aparması fikrini səsləndirib.
Aprelin 6-da baş vermiş zorakılığa dair İ.İbrahimli ölkənin Baş prokurorluğuna, Daxili İşlər Nazirliyinə müraciət etsə də, hələ cavab almayıb. Aldığı xəsarət dərəcələrini müəyyən etmək üçün keçdiyi tibbi-ekspertizanın nəticələrini yaxın günlərdə alacağını söyləyib. Tanınmış siyasətçi bu məsələni Avropa məhkəməsinə kimi daşıyacağını bildirib.
Dəyirmi masada çıxış edən bütün ictimai-siyasi xadimlər birmənalı olaraq bu zorakılığın İ.İbrahimlinin siyasi fəaliyyətilə bağlı olduğunu ifadə ediblər. Ona görə də bu zorakılığı siyasi sifarişin nəticəsi sayıblar. Bu hadisə bir tərəfdən mənəviyyatsızlıq, digər bir tərəfdən vətəndaş cəmiyyətinin zəifliyinin göstəricisi kimi şərh edilib.
Hüquqşünas Fuad Ağayev İ.İbrahimlinin Naxçıvanda naməlum istiqamətə aparılmasını insan oğurluğu adlandırıb, bu məsələnin təhqiq olunması zərurətini irəli sürüb. Amma Naxçıvanda bu işin obyektiv araşdırılacağına ümid etmədiyini söyləyib. -05C-
Siyasət
-
Azərbaycan prezidenti İlham Əliyev Somali dövlət başçısının Bakıya səfərinin iki ölkə arasında "sıx dostluq münasibətlərində yeni səhifə açacağına" əminliyini bildirib.
-
Rusiya Azərbaycan qazının Ukraynanın qaz-nəqliyyat sistemindən istifadə ilə Aİ-yə tədarükü mümkünlüyünü müzakirə etmir. Bu barədə çərşənbə axşamı jurnalistlərə Rusiya baş nazirinin müavini Aleksandr Novak bildirib. "Müzakirə olunmur", deyə o qeyd edib.
-
Fevralın 12-də Bakı Apellyasiya Məhkəməsi jurnalist Ramin Cəbrayılzadənin (Deko) ev dustaqlığına keçirilməsindən imtina ilə bağlı verilmiş şikayəti təmin etməyib, bu barədə onun vəkili Nemət Kərimli bildirib. Müdaifə tərəfi bu qərarı əsassız hesab edir, belə ki, Meydan TV-nin işi üzrə həbs edilmiş Deko barəsində istintaq hərəkətləri aparılmır.
-
"Azərbaycanda Siyasi Məhbusların Azadlığı Uğrunda" İttifaq 357 nəfərdən ibarət yenilənmiş siyasi məhbuslar siyahısını dərc edib. 12 dekabr 2024-cü il tarixli əvvəlki siyahı ilə müqayisədə siyasi məhbusların sayı 26 nəfər artıb.
Rəy yaz