Bakı/26.03.18/Turan: Azərbaycan prezidenti İlham Əliyev RF prezidentinə Kemerovo şəhərində ticarət mərkəzində baş vermiş yanğın nəticəsində çox sayda insanın həlak olması ilə əlaqədar başsağlığı teleqramı göndərib.
"Kemerovo şəhərinin ticarət mərkəzində çoxsaylı insan tələfatına səbəb olmuş yanğın barədə xəbəri dərin kədər hissi ilə qarşıladım. Sizə, həlak olanların doğmalarına və yaxınlarına dərin hüznlə başsağlığı verir, xəsarət alanların tezliklə sağalmasını arzu edirəm", deyə məktubda bildirilir.
Yanğın nəticəsində son məlumatlara görə 53 nəfər həlak olub, 16 nəfər itkin düşmüş hesab olunur.
İlkin məlumatlara görə həlak olanlar və zərərçəkmişlər arasında Azərbaycan vətəndaşları yoxdur, bu barədə ölkə XİN-in rəsmi nümayəndəsi Hikmət Hacıyev bildirib. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz