İlham Əliyev ABŞ prezidentinin xüsusi nümayəndəsi ilə görüşüb
Fevralın 16-da Münhendə təhlükəsizlik konfransı çərçivəsində Azərbaycan karbohidrogenlərinin dünya bazarlarına çıxarılması və Orta Dəhlizinin inkişafı məsələləri Prezident İlham Əliyevin ABŞ Prezidentinin qlobal infrastruktur və enerji təhlükəsizliyi üzrə xüsusi əlaqələndiricisi Amos Hoxşteyn ilə görüşündə müzakirə olunub.
Azərbaycan dövlət başçısının saytının məlumatına görə, Hoxşteyn Azərbaycanda qarşıdan gələn COP29 münasibətilə təbriklərini çatdırıb.
ABŞ prezidentinin nümayəndəsi Xəzər dənizinin karbohidrogen ehtiyatlarının dünya bazarlarına çıxarılması layihələrində 1990-cı illərdən iki ölkə arasında tərəfdaşlıq münasibətlərini xatırladaraq, Azərbaycanın regionda strateji əhəmiyyətini qeyd edib.
Görüşdə Orta Dəhlizin inkişafı və bu prosesdə Azərbaycanın rolu müzakirə edilib, COP29 çərçivəsində əməkdaşlıq məsələlərinə toxunulub.
Söhbət zamanı Azərbaycan-Amerika ikitərəfli münasibətləri ətrafında fikir mübadiləsi aparılıb.
Siyasət
-
Bu gün Bakıya gələn Almaniya xarici işlər naziri Annalena Berbek COP29 iqlim konfransı ərazisində mətbuat konfransı keçirib.
-
Noyabrın 21-də Bakıda BMT-nin İqlim Konfransı (COP29) məkanda iqlim fəalları çoxsaylı aksiyalar keçirib.
-
Şərq Tərəfdaşlığı Vətəndaş Cəmiyyəti Forumunun (EaP CSF) Baş Assambleyası cümə günü qəbul etdiyi qətnamədə Ukraynada Rusiyanın davam edən təcavüzündən qaynaqlanan geosiyasi gərginliklərin artdığı bir şəraitdə demokratik islahatlara, regional sabitliyə və Avropa inteqrasiyasına sadiqliyini bir daha təsdiq edib.
-
Bakı 1 saylı İstintaq Təcridxanasında saxlanılan fəal Nicat İbrahim əsassız cinayət təqibinə etiraz olaraq noyabrın 20-də özünə çoxsaylı xəsarət yetirib. Bu barədə Turan-a onun xanımı Pərvin İbrahim bildirib. Onun sözlərinə görə, noyabrın 21-də həyat yoldaşı zəng edərək deyib ki, ötən gün güzgü parçası ilə özünə xəsarət yetirib. O, boğazını və qulaqlarını kəsib.
Rəy yaz