Fevralın 23-də dövlət başçısı İlham Əliyev İrana rəsmi səfər edəcək və səfər ərəfəsində o, İran teleradiosuna (İRİB) müsahibə verib.
Məqsədlər haqqında suala cavabda Əliyev deyib ki, regional məsələləri, bütün sahələrdə ikitərəfli münasibətləri müzakirə edəcək, habelə bir sıra sənədlər imzalayacaq.
Şimal-Cənub nəqliyyat dəhlizi layihəsinin həyata keçirilməsi diqqət mərkəzində olacaq. “İranın və Azərbaycanın Astara şəhərləri arasında dəmir yolu Şimal-Cənub nəqliyyat dəhlizini xeyli canlandıracaq, hər iki ölkənin beynəlxalq yük daşımalarında payını xeyli artıracaq”, deyə Əliyev bildirib.
Terrorizmə qarşı mübarizədə əməkdaşlıq haqqında suala cavabda o deyib ki, Azərbaycan beynəlxalq terrorizmə qarşı mübarizə sahəsində “real” təşəbbüsləri və tədbirləri dəstəkləyir. Azərbaycan İran və digər dövlətlərlə birlikdə beynəlxalq terrorizm probleminin həllinə dəstək göstərməkdə davam etməyə hazırdır.
Qarabağ münaqişəsi haqqında suala cavabda Əliyev bildirib ki, Ermənistan başda BMT olmaqla, dünyanın aparıcı təşkilatlarının işğal edilmiş ərazilərin azad edilməsini tələb edən qərarlarını və qətnamələrini yerinə yetirməkdən yayınır. Təəssüf ki, dünya ictimaiyyəti indiyədək beynəlxalq hüquq norma və prinsipləri çərçivəsində tənzimləmə üçün Ermənistana qarşı hər-hansı real təsir mexanizmi tətbiq etməyib.
ATƏT-in Minsk Qrupuna gəlincə, onun fəaliyyəti nəticəsi qalır. Dünyada ikili standartlar siyasəti müşahidə olunur. Belə ki, bir sıra hallarda işğal ciddi təsir mexanizmləri doğurur, bəzən isə bu, baş vermir. Qarabağ münaqişəsində işğalçıya və işğala məruz qalana qarşı eyni münasibət göstərilir.
“Bu, bir müsəlman dövləti olan Azərbaycana qarşı dini ayrı-seçkiliklə şərtlənib”, deyə o bildirib.
Azərbaycanda müsəlmanlara və xüsusən şiələrə qarşı təzyiq nə ilə izah olunur? Bu suala cavabda Əliyev deyib ki, bu cür iddialar şaiyədir.
Azərbaycanda tarixən heç vaxt dini və milli zəmində ayrı-seçkilik olmayıb, müxtəlif millətlərin, konfessiyaların nümayəndələri həmişə sülh və qarşılıqlı anlaşma şəraitində yaşayıblar. “Bir sıra ölkələrdə sünnilər və şiələr arasında ziddiyyətlər artdığı bir halda bu ilin yanvarında Bakıda Heydər məscidində şiələr və sünnilər birgə namaz qılıblar”, deyə Əliyev qeyd edib. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz