Bakı/01.11.18/Turan: Azərbaycan prezidenti İlham Əliyev bu gün Azərbaycan Milli Ensiklopediyasının Redaksiya Heyətinin yeni tərkibinin təsdiq edilməsi haqqında fərman imzalayıb.
Redaksiya Heyətinin sədri olaraq dövlət başçısı özü təsdiq edilib.
Sədrin birinci müavini vəzifəsinə Prezident Administrasiyasının yeni rəhbəri Ramiz Mehdiyev, müavinləri vəzifəsinə Milli Elmlər Akademiyasının vitse-prezidenti İbrahim Quliyev, AMEA-nın vitse-prezidenti İsa Həbibbəyli və Yazıçılar İttifaqının sədri Anar Rzayev təyin edilib.
Milli Ensiklopediyanın baş redaktoru vəzifəsinə AMEA prezidenti Akif Əlizadə təsdiq edilib. Məsul katib vəzifəsinə AMEA-nın vitse-prezidenti, "Azərbaycan Milli Ensiklopediyası" elmi mərkəzinin direktoru Tofiq Nağıyev təyin edilib.
Ümumilikdə Redaktorlar Heyəti 45 nəfərdən ibarətdir. -06D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz