Bakı/23.06.22/Turan: Cümə axşamı prezident İlham Əliyevin Buxarest nümayəndə heyətilə görüşündə Azərbaycanla Rumıniya arasında münasibətlərin inkişafı perspektivləri müzakirə olunub.
Danışıqlarda Rumıniyanın energetika naziri Virqil-Daniel Popesku, kənd təsərrüfatı və kənd yerlərinin inkişafı naziri Adrian-İonuts Kesnoyu və Rumıniya prezidentinin strateji məsələlər üzrə xüsusi nümayəndəsi Ana Birçalı iştirak ediblər.
Danışıqlar zamanı energetika və aqrar sahələrdə əməkdaşlığın inkişafı, enerji təchizatı, ərzaq təhlükəsizliyi, kənd təsərrüfatında yeni texnologiyaların və elektron sistemlərin tətbiqi məsələləri müzakirə olunub.
Gələcəkdə birgə iqtisadi layihələrin reallaşdırılması imkanları, həmçinin hökumətlərarası komissiyanın iclasının gündəliyinə dair fikir mübadiləsi aparılıb.—06B--
Siyasət
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
-
Azərbaycanla sülh prosesi çərçivəsində Ermənistan gündəlikdəki bütün məsələlərin həlli yollarını təklif edib, bu barədə yanvarın 23-də Ermənistanın Təhlükəsizlik Şurasının katibi Armen Qriqoryan bildirib.
-
Azərbaycan Talışlarının İctimai Şurasının (ATİŞ) İdarə Heyətinin üzvü Hilal Məmmədov yanvarın 23-də Dövlət Təhlükəsizliyi Xidmətində dövlətə xəyanətdə ittiham olunan tədqiqatçı İqbal Əbilovun işi üzrə şahid qismində dindirilib. Məmmədovun Turan-a verdiyi məlumata görə, onu Əbilovun fəaliyyəti, elmi əsərləri və nəşrləri haqqında sorğu-sual ediblər.
Rəy yaz