Bakı/03.0120/Turan: Respublikaçı Alternativ (REAL) Partiyasının sədri İlqar Məmmədov Avropa Şurasına Avropa İnsan Hüquqları Məhkəməsinin qərarının icra edilməməsi ilə bağlı təqdimat göndərib. Məmmədov hesab edir ki, Azərbaycan hakimiyyəti qəsdən AİHM-nin ona bəraət verilməsi haqqında qərarına məhəl qoymur.
Bu səbəbdən Məmmədov 9 fevral 2020-ci il növbədənkənar parlament seçkilərində deputatlığa namizədliyini irəli sürə bilmir. Məmmədov xatırladır ki, 2019-cu il mayın 29-da AİHM Azərbaycanın Avropa Şurası qarşısında öhdəliyini yerinə yetirmədiyi haqqında qərar qəbul edib.
Ötən il Aİ Nazirlər Komitəsi Azərbaycana 8 fəal barəsində məhkəmə qərarlarını ləğv etmək üçün 2019-cu il dekabrın 31-nə qədər vaxt verib. Amma bu da yerinə yetirilməyib.
Bundan irəli gələrək və Avropa Şurası Nizamnaməsinin 3 və 8-ci maddələrin rəhbər tutaraq, Məmmədov Avropa Şurasında Azərbaycan hökumətinin hüquqlarının dondurulması proseduruna başlamağı təklif edir. -06D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz