Bakı Apellyasiya Məhkəməsi bu gün REAL hərəkatının lideri İlqar Məmmədovun MSK-nın onu prezidentliyə namizəd kimi qeydiyyata almaqdan imtinası ilə bağlı şikayətini təmin etməyib.
İki gün əvvəl hakim Elmira Nağıyeva Məmmədovun xeyrinə verilmiş, saxta elan edilmiş 4500-ə yaxın seçici imzasının təkrar ekspertizasını təşkil edib.
Ədliyyə Nazirliyinin Ekspertiza Mərkəzinin mütəxəssisləri təkrar ekspertiza həyata keçiriblər və onlar da ümumilikdə MSK tərəfindən səhvən saxta elan edilmiş 40 imza fərqi ilə MSK-nın “doğruluğunu” təsdiq edibər.
Məmmədov məhkəmənin qərarı ilə razı deyil və Ali Məhkəməyə şikayət vermək niyyətindədir.
Məhkəmə iclası zamanı Məmmədov İstintaq Təcridxanasında ona İlham Əliyevi dəstəklədiyi haqqında bəyanatla çıxış etməyi təklif ediblər, bunun müqabilində ona həbsdən azad edilməyi vəd ediblər.
Xüsusən, Məmmədovun sözlərinə görə, təklif Penitensiar Xidmət idarələrindən birinin rəisi İmran Tağızadə tərəfindən edilib.
“Amma mən heç vaxt İlham Əliyevi dəstəkləməyəcəyəm, hətta həbsdən cəsədimi çıxarsalar belə”, deyə Məmmədov bildirib.
O, tərəfdarlarını Milli Şuranın prezidentiyə namizədi Cəmil Həsənlini dəstəkləməyə çağırıb.
Penitensiar Xidmətdən Məmmədovun bu idarənin nümayəndəsinin onunla hər-hansı danışıqlar aparması haqqında bəyanatını təkzib ediblər.
İlqar Məmmədov İsmayıllıda iğtişaşların təşkili və polisə müqavimət göstərmək ittihamı ilə həbs edilib.
Amnesty İnternational Məmmədovu “vicdan məhbusu” kimi tanıyıb. -06D-
Siyasət
-
Sumqayıt Məhkəmə Kompleksində “Tərtər işi” ilə bağlı ittiham olunan bir qrup şəxsin cinayət işi üzrə məhkəmədə hökm oxunub.
-
Qərb inadkarcasına Ermənistan-Azərbaycan münasibətlərinin normallaşması prosesində öz xidmətlərini qəbul etdirməyə çalışır, bu barədə Rusiyanın XİN başçısı Sergey Lavrov cümə axşamı Minskdə Avrasiya təhlükəsizliyi üzrə beynəlxalq konfransda bildirib.
-
Bakıda COP29 ilqim konfransı dövründə (11-22 noyabr) gündəlik sərnişin axınının 25-27 min nəfərə qədər artacağı gözlənilir. Bu barədə cümə axşamı jurnalistlərə Bakı Beynəlxalq Hava Limanının direktoru Teymur Həsənov bildirib.
-
Cümə axşamı Azərbaycan xarici işlər naziri Ceyhun Bayramov ilə Birləşmiş Krallığın Avropa, Şimali Amerika və dənizaşırı ərazilər üzrə dövlət naziri Stiven Dauti arasında telefon danışığı zamanı iki ölkə arasında əməkdaşlıq gündəliyi, habelə mövcud regional vəziyyət və Azərbaycan-Ermənistan sülh prosesi müzakirə olunub. Bu barədə Azərbaycan XİN-in məlumatında deyilir.
Rəy yaz