![İlqar Məmmədov və Tofiq Yaqublunun həbs müddəti daha 3 ay uzadıldı](https://turan.az/resized/media/2013/main/051500036278-750-500-resize.webp)
İlqar Məmmədov və Tofiq Yaqublunun həbs müddəti daha 3 ay uzadıldı
Bu gün Nəsimi rayon məhkəməsi İsmayıllıda 23-24 yanvar iğtişaşlarının təşkilində ittiham olunan “Respublikaçı Alternativ” (ReAl) hərəkatının lideri İlqar Məmmədovun həbs müddətini daha üç ay uzadıb.
Məmmədov fevralın 4-də 2 ay müddətinə həbs edilib, daha sonra həbs müddəti daha 2 ay uzadılıb. Beləliklə, istintaq dövründə həbs müddəti ümumilikdə sentyabrın 4-nə qədər uzadılıb.
Vəkil Cavad Cavadlının Turan-a verdiyi məlumata görə, Məmmədov qanunsuz həbsinə etiraz əlaməti olaraq hakim gəldikdə ayağa qalxmaqdan imtina edib.
İstintaq həbs müddətinin uzadılmasını əlavə şahidlərin dindirilməsi zərurəti ilə əsaslandırıb. Lakin Məmmədov bildirib ki, həbsinin və həbs müddətinin artırılmasının əsl məqsədi onun ölkənin siyasi həyatında iştirakdan uzaqlaşdırılmasıdır.
Vəkil Cavadlı da həbs müddətinin uzadılmasının əsassız olduğunu bildirib.
Xatırladaq ki, Məmmədova qarşı 233 (ictimai asayişin pozulmasına şərait yaradan hərəkətlərin təşkili) və 315.2-ci (hakimiyyət nümayəndəsinə həyat və sağlamlıq üçün təhlükəli olan güc tətbiqi ilə müqavimət göstərilməsi) maddələrlə ittiham irəli sürülüb. Aprelin sonlarında 233-cü maddə daha ağır olan 220.1-ci (kütləvi iğtişaşların təşkili) maddəsi ilə əvəz edilib.
Aprelin 9-da Avropa İnsan Hüquqları Məhkəməsi Məmmədovun işini növbədənkənar baxışa qəbul edib və Azərbaycan hökuməti ilə kommunikasiyaya başlayıb.
Elə bu gün Nəsimi rayon məhkəməsi eyni maddələrlə ittiham olunan Müsavat Partiyasının sədr müavini Tofiq Yaqublunun həbs müddətini 3 ay uzadıb. Vəkil Nemət Kərimli məhkəmənin qərarını siyasi motivli adlandırıb və apellyasiya şikayəti veriləcəyini bildirib. -16D06-
-
- Sual-cavab
- 15 May 2013 17:51
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz