İqlim fəaliyyəti üzrə Avropa komissarı insan hüquqları və ifadə azadlığının vacibliyi barədə

Avropa İttifaqının iqlim  fəaliyyəti üzrə komissarı Vopke Hukstra oktyabrın 10-11-də Bakı səfəri çərçivəsində COP29-dan öncəki son nazirlər görüşündə iştirak edib. COP29-a bir ay əvvəl qalmış Bakıda iqlim maliyyələşməsi, beynəlxalq karbon bazarları, Paris sazişinin 6-cı maddəsi, adaptasiya, nəticələrin yumşaldılması, şəffaf hesabat və COP28-in fosil yanacaqlardan keçidi sürətləndirmək öhdəliyinin yerinə yetirilməsi kimi mövzuları müzakirə etmək üçün mühüm imkan olub.

Cümə axşamı o, "Missiya 1.5 üçün yol xəritəsi" üzrə yüksək səviyyəli tədbirdə iştirak edib və alimlərin gəldiyi nəticələr və vətəndaş cəmiyyətinin iştirakı nəzərə alınmaqla, öhdəliklərin icrasına növbəti milli töhfəsinin hazırlanması üzrə  Avropa İttifaqının təcrübəsini bölüşüb, Avropa İttifaqının Azərbaycan nümayəndəliyinin  məlumatında deyilir.

Komissar iqlim dəyişikliyinə adaptasiya, itki və zərər mövzusunda nazir müzakirəsinə də qatılıb. Bu, xüsusilə məlumatlandırıcı olub, çünki dünyanın hər yerindən ölkələr nəinki öz təcrübələrini bölüşüblər, həm də adaptasiya üzrə qlobal məqsəd  naminə iqlim prosesi üçün bir sıra göstəricilərin işlənməsinin vacibliyi barədə razılığa gəliblər.

Sonra komissar Hukstra Birləşmiş Milətlər Təşkilatının  baş katibinin müavini və Birləşmiş Milətlər Təşkilatının  Davamlı İnkişaf Qrupunun sədri Əminə J. Məhəmməd, ilə ğörüşüb.  Onlar danışıqların hansı mərhələdə olduğunu və COP28 konsensus impulsunun necə davam etdiriləcəyini müzakirə ediblər.

Komissarın Bakıya səfəri Azərbaycan vətəndaş cəmiyyətinin nümayəndələrilə görüş ilə başa çatb. O, "insan hüquqları və ifadə azadlığı"nın- o cümlədən iqlim dəyişikliyinə qarşı mübarizənin məqsədlərinə nail olmaqda - həlledici əhəmiyyətini bildirib. Komissar "Avropa İttifaqı nümayəndə heyətinin Azərbaycanda yaşıl diplomatiya həftəsi" çərçivəsində tədbirlərin başlanğıcı olan müzakirələr üçün ADA Universitetində gənc diplomat tələbələrə qoşulub.