Açiq mənbələrdən foto.
Bakı/26.06.21/Turan: İyunun 26-da Azərbaycan prezidenti İlham Əliyev İqtisadiyyat Nazirliyinin fəaliyyətinin təmin edilməsilə bağlı bir sıra məsələlərin tənzimlənməsi haqqında fərman imzalayıb. Sənədə əsasən nazirliyin əməkdaşlarının say həddi 4394 ştat vahidi, o cümlədən 409 nəfər nazirliyin aparat işçisi müəyyən edilib.
Nazirliyin nəzdindəki İqtisadiyyat Elmi-Tədqiqat İnstitutu publik hüquqi şəxsə çevrilir.
Torpaqların Dövlət İdarəetməsinin Təşkili Agentliyi ləğv edilir və İqtisadiyyat Nazirliyi yanında Əmlak Məsələləri üzrə Dövlət Xidmətinə verilir.
Əmlak Məsələləri Dövlət Xidmətinin nəzdində aşağıdakı publik hüquqi şəxslər yaradılır: - Hərracların Təşkili Mərkəzi və Korporativ İdarəetmənin Təşkili və Əlaqələndirilməsi Mərkəzi.
Bundan əlavə, İqtisadiyyat Nazirliyinin nəzdində fəaliyyət göstərən "İstehlak Mallarının Ekspertizası Mərkəzi" məhdud məsuliyyətli cəmiyyət, Azərbaycan Metrologiya İnstitutu, Azərbaycan Standartlaşdırma İnstitutu və Azərbaycan Akkreditasiya Mərkəzi Antiinhisar Siyasəti və İstehlak Bazarına Nəzarət üzrə Dövlət Xidmətinin tabeliyinə verilir.-06D-
Siyasət
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
Rəy yaz