Bakı/06.01.20/Turan: İranın Bakıdakı səfirliyi üzərində dövlət bayrağı endirilib. Binanın girişində Qasım Süleymaninin portreti yerləşdirilib, portrerin önünə çiçək qoyulub.
Bazar ertəsi səhər saatlarından etibarən ayrı-ayrı şəxslər səfirliyin önünə çiçək gətirir. Bir qədər aralıda dindarlardan ibarət qruplar toplaşıb İran generalının ölümünü müzakirə edirlər.
Səfirliyin bilavasitə yaxınlığında bir neçə polis maşını dayanıb. Süleymaninin ölümü ilə bağlı matəm elan edildikdən sonra İranpərəst fəallar Bakıda hər hansı aksiya keçirməyiblər. Amma generalın dəfn ediləcəyi gün - yanvarın 7-də onların üzə çıxacağı istisna deyil.
Hələlik isə sosial şəbəkələrdə Süleymaninin qətli, onun regional müharibələrdə rolu və Azərbaycana münasibəti haqqında müzakirələr gedir. -02B-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz