![İraqda İŞİD-lə əlaqədə şübhəli bilinən azərbaycanlı qadınların saxlanıldığı bildirilir](https://turan.az/resized/media/2017/main/111000005501-750-500-resize.webp)
İraqda İŞİD-lə əlaqədə şübhəli bilinən azərbaycanlı qadınların saxlanıldığı bildirilir
Bakı/10.11.17/Turan: İraq parlamentinin deputatı Vian Dahil öz ölkəsinin hərbçilərinin İŞİD-lə əlaqədə şübhəli bilinən 200 azərbaycanlı və 512 rusiyalı qadını saxladıqlarını bildirib.
Deputatın sözlərinə görə, qadınlar həbsxanalara yerləşdirilib.
İraqın Müdafiə Nazirliyindəki mənbə 512 nəfər rusiyalı qadının saxlanılması barədə məlumatı RİA Novosti agentliyinə təkzib edib.
"Saxlanılanlar var, lakin onlar çox deyil və müxtəlif ölkələrin vətəndaşlarıdır", - mənbə bildirib.
Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev İraqda Azərbaycan vətəndaşı olan qadınların saxlanılması ilə bağlı Turan-a deyib ki, Xarici İşlər Nazirliyinin bu kimi halların olması barədə məlumatı var.
"Faktların araşdırılması və dəqiqləşdirilməsi ilə bağlı işlər aparılır. Ölkəmizin İraqdakı səfirliyi bu ölkənin müvafiq dövlət orqanları ilə məsələ ilə bağlı daimi əsasda təmasdadır", - o qeyd edib.
Xatırladaq ki, bu il oktyabrın 12-də İŞİD-in işğalından azad edilən ərazilərdə tapılan azərbaycanlı uşaqlar Azərbaycana gətirilib.
Bu il oktyabrın 30-da Azərbaycan xarici işlər naziri Elmar Məmmədyarov bildirib ki, İraqda saxlanılan azərbaycanlı qadın və uşaqlarla Xarici İşlər Nazirliyi ilə bərabər Daxili İşlər Nazirliyi, Ailə, Qadın və Uşaq Problemləri üzrə Dövlət Komitəsi məşğuldur.
Nazir deyib ki, ilk növbədə İraq hökuməti ilə birgə həmin insanların bu ölkəyə necə getməsi, hansı işlə məşğul olmaları və gələcək taleləri müzakirə olunacaq.
"Bu məsələ Bağdaddakı səfirliyimiz və konsulluğumuzun daimi diqqət mərkəzindədir. Bu məsələnin hər birinə fərdi qaydada baxılacaq. İstənilən insanı, sadəcə, götürüb ölkəyə gəlmək olmaz. İlk növbədə müvafiq hüquqi məsələlər müəyyənləşdirilməlidir. İraqda 100-dən bir az çox qadın və uşaq var. Bir ay ərzində bu siyahı tam dəqiqləşəcək", E. Məmmədyarov qeyd edib.-03B-
-
- Cəmiyyət
- 10 Noyabr 2017 11:27
-
- İqtisadiyyat
- 10 Noyabr 2017 11:50
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz